HKU Dry Club. Since 2012.: Non-love story #4820 [620公投] "今日係街上面行果陣見到有不同既志願人士係度派傳單，呼籲市民620記得投票。行行下見到有個男路人好大聲呼喝其中一位女志願人士：「好心你地唔好冇野搵野搞啦！唔好再搞咩佔領中環啦，係度害下一代！搵其他野做啦！」我見到果位女士一面尷尬。其實有幾多人知今日投票係投咩？你有冇主動了解過香港宜家發生緊咩事？定只係單方面接受傳媒或者身邊既人既資訊？自己有冇思考過呢一切合唔合理？我以前好少睇新聞，自稱政治冷感。但係呢排發生太多事，例如新界東北發展撥款議案即將通過、白皮書，同埋警察摳打以及恐嚇示威者事件。香港正在淪陷，身為香港人既我地可以再講「唔關我事呀！」、「唔好搞咁多野啦！」同「我咩都唔知喎。」咩？身邊有唔少既同學朋友係大專生，但佢地無意去了解香港社會發生緊咩事。唔單止對政府失望，更加對呢一班受緊高等教育既年青人失望。其實唔係要求你去反政府，只係想你地去了解發生緊咩事，用大腦思考，然後先再決定支持、反對定係無立場，咁簡單咋。如果你今日唔表態，仍然係覺得唔關自己事，我就係政治冷感既心態，只可以預先同你講：將來千其唔好埋怨，唔好投訴，唔好後悔。" #講起我就扯火 ================================= Free Membership ==> http://bit.ly/dryclubmember Follow our Instagram! ==> http://ift.tt/1fAxES7 Love stories (交文) - http://bit.ly/dryclubstory DSnap (交圖)