Non-love story #4958 [我地輸得好徹底] "半夜三更，佔中公投結果突然出結果。點先，我睇緊荷蘭對墨西哥架喎。冇啦，時間性行先。同埋，廢事話為咗睇波唔理政治啦。 先睇睇三個方案嘅結果： 1號 真普聯：33.14萬 (42.1%) 2號 人民力量：8.16萬 (10.4%) 3號 學界：30.26萬 (38.4%) 棄權：7.04萬 (8.9%) （喂，唔好問點解上面嗰啲百份點加埋唔係 100% 好喎。） 以前兩岸關係好興講，「一個中國，各自表述」。家下都係「一個結果，各自表述」。支持公民提名嘅支持者，可以話兩個只支持公民提名嘅方案 （人力同學界）方案夾埋有 48.8% 支持，比起「三軌方案」多。真普聯同傳統泛民就梗係拎住「單議席單票席」嘅 Winner-takes-all 嚟講，再唔係攞埋陳水扁 當年台灣總統選舉以 39% 得票一敵二力壓連戰 (23%) 同宋楚瑜 (36.8%) 上台執政都仲得。雖然佢哋唔會咁做。 至於我係林鄭、自宮發言人或者中聯辦囉喎，生活就更加簡單，畀夠幾個選擇你玩又如何？ 一：「市民面對所謂『佔中』僅得三個實際方案，不願消極投下棄權票，唯有選擇唯一含有符合《基本法》元素的『三軌方案』」 二：「市民抗拒別有用心的政客及受外部勢力操控的學生提倡的『公民投名』騎劫政改，故此不得不含淚支持合憲合法的真普聯方案。」 三：「投票最終僅得 78 萬 8千人參與，莫道與中華人民共和國 13 億人比較，即使全香港人口 7 百萬，投票人數僅佔 11% 左右，公信力存疑。尚有六百多萬港人堅決抵制這個不合法的顛覆活動，可見香港人尊重特區政府依法施政。」 呢個投票結果，正式係「皆大歡喜」，不同陣營嘅人士都可以各需所需，冇贏冇輸。輸嘅係香港，一個時日無多，冇時間睇子彈飛到最後會轉彎定係跌落地嘅城市。 再見學聯、再見香港，因為你地、我地輸得好徹底。" #講起我就扯火 ================================= Free Membership ==> http://bit.ly/dryclubmember 請按"Like" -> 按"Get notifications" 緊貼 HKU Dry Club Updates 對抗Facebook進一步限制page reach

from HKU Dry Club http://ift.tt/1iXMdDK

via IFTTT