Love story #4911 [只能想念你] "O1, 男 如女朋友一齊已經四年半 識佢嗰陣,佢只係15歲,而我大佢兩年,17歲 岩岩拍拖嗰時,我地並唔係成日見面,因為我要準備考AL 即使係情人節依d日子,我都會選擇留喺屋企溫書,唔出街拍拖 好可惜,到最後jupas放榜,無degree offer,只有poly hd肯收我 喺hd既頭一年,我一心想升大學,一如既往,大部分時間都花喺讀書上面 而女朋友亦都要準備考dse, 我地更加無咩時間見面, 一年入面除左聖誕同生日, 係完全無見過 平時只可以用冷冰冰既文字去msn/whatsapp 一年過去,我女朋友dse失敗左,而我報non jupas亦都無一間大學肯收 喺我建議下,佢去左讀asso, 我就繼續讀hd...... hd第二年,我照樣係不停讀書,心裡只係諗住一定要升到大學 可想而知,我地一樣係無咩時間見...... 又一年過去,我升左上大學, 佢就no offer, 要繼續讀asso 升左上大學之後,我地見面時間多左,而去到依家依個時候,佢亦都收到大學offer 但係出年我就要去英國讀一年書........ 我地兩人都係公開試既失敗者,後來每日拚命讀書努力入大學,最後總算係皇天不負有心人叫做做到大學生 可惜依段時間越黎越少見對方...... 你要等我,四年幾既苦我地都捱過左,一年又算得係d咩?" From 紅磚大學 (PolyU) #思念, #long distance ================================= Free Membership ==> http://bit.ly/dryclubmember 請按"Like" -> 按"Get notifications" 緊貼 HKU Dry Club Updates 對抗Facebook進一步限制page reach

from HKU Dry Club http://ift.tt/1iXMdDK

via IFTTT