Non-love story #4960 [我o係一程短途循環線小巴上面目睹o既一件小事] "1. 年級：讀讀下因為唔中意自己論文導師（唔中意自己）而從研究院人間蒸發 2. 性別：男 3. 戀愛經驗： 甲、拖好似拍過好多次，但係真係心裡面認可o既得唯一一次維持得長過一年o既o個一千○一次； 乙、冇試過真係好花心思o敢追人，通常都係撩開人，傾開偈，有o的身體接觸，女仔自然會約我出街或者傾傾下約埋去街或者o的朋友幫我同o的女仔製造出街機會，再之後上床，再拍拖 我o係一程短途循環線小巴上面目睹o左一件小事。 o係返、放工繁忙時間，如果前面大站有車仲落緊客，o里類型o既小巴通常會o係埋站前兩、三個車位就放晒班落車o既乘客落地，然後再慢慢輪候埋站。 上個星期五放工時間，o係荃灣地鐵站天橋下面o既小巴大站，96B 小巴一如既往o敢落淨三、四個乘客（當中包括o左去完睹物思 ex o既我）先至埋到去站頭上客。 o係車門打開o既一瞬間，伴隨住兩至三聲重物墜地o既巨響，o係迎住車頭輪候上車o既幾十名乘客做出任何反應之前，一個女人從車尾o個面斜插衝o左入o黎小巴上面，直頭快到好似憑空出現一樣。 然後佢就o係明知架車根本就唔係佢想搭o既任何一架o既情況下，用唔鹹唔淡o既廣州話開始問司機：「司機，乘乜o野車去旺角呀？」 司機答o左佢，佢繼續問。 司機再答o左佢，佢繼續追問。 司機直頭已經指手畫腳o敢講解，佢仍然想再問清楚o的。 佢完全冇理過車頭仲有最起碼幾十個人o係度等緊上車返屋企。 等佢滿足晒佢個人o既求知慾喇，佢先至一聲「唔該」都冇，施施然o敢落車用非常流暢o既普通話同佢o既同伴講返點樣去旺角。 o係我幻想緊政府立例要小巴車門上面安裝防蟲電鋸o個下，身後傳o黎一o的我聽唔清楚o既普通話，當中有「倒退了」、「素質」等等o既字眼，吸引o左o係地鐵之後第二個站落緊車o既我o既注意。 我落緊車，所以冇辦法繼續聽，所以我唔知道o個兩位o係我後面傾偈o既陸客（佢o地講o既係普通話，而唔係台灣國語）係唔係真係以為打尖問路阻人上車o既o個個女人講廣州話就係香港人、係唔係真係冇留意到佢落車之後轉返台講普通話，而家講得流暢過廣州話好多， ——我只係為可能俾大陸人調返轉頭話「素質低」o既真正香港人，感到好悲哀。" From 馬料水大學 (CUHK) #小事 ================================= Free Membership ==> http://bit.ly/dryclubmember 請按"Like" -> 按"Get notifications" 緊貼 HKU Dry Club Updates 對抗Facebook進一步限制page reach

from HKU Dry Club http://ift.tt/1iXMdDK

via IFTTT