Non-love story #4788 [DSE監考風雲之三] "喺正式開始第三回之前，請容許小弟講幾番說話 之前兩回既反應比小弟預其中大，果然大家都好關心DSE，而DC作為一個分享經歷既平台原來真係聚集到各方人士發表意見 小弟好多謝大家既回應，亦都好認真咁睇過大家既comment 有幾點我係想澄清的: 1. 小弟係第一次做監考，雖然唔係第一次接觸公開試，但以監考員身份睇”平常事”係覺得有趣既，所以先特登打出黎分享下，如果你覺得我打既野係垃圾，其實，你睇到呢度可以停，冇人迫你繼續睇落去的 2. 好多巴絲話我嘲諷考生，抹殺左佢地既努力，前者我不否認也不太承認，我寫既好多都係當刻既諗法，再者，如果你理解得到我打既野其實你會發現我既重點根本唔係要笑D考生。我都經歷過公開試，我都明白一個考生既壓力，that’s why我而家先打返D事出黎。當你地話我唔識企喺考生立場諗既時候，你地又有冇企喺監考員既立場諗過呢? 3. 有巴絲話做得監考員就有職責有義務去幫考生，我自問當時完全履行到我做監考員既責任。但我份(微薄)人工係唔包”唔比呻”，道理同你放工之後會呻返工D野一樣。 好，講左咁多，正式開始講第三回。 今次我係監考另一個主科，語文科黎。 開考之後冇幾耐我已經覺得我負責個行有個大約坐中間位置既女仔D眼神閃閃縮縮咁，好有可疑，個主考官似乎都望到，叫我睇緊D。 我心諗唔係真係出貓呀嘛，好煩架喎。 於是我就周不時巡下，等佢知道我地都留意到佢瞄隔離位 喺我巡緊既時候我又留意到後排位置有個女仔好快就伏低左喺枱 心諗佢應該都係俾錢入黎瞓個類，就冇理到佢 過左大約半個鐘，之前疑似出貓個同學開始望住自己份卷放空 與此同時，後面伏低左個女仔突然舉手 我諗佢應該係要早走啦~ 點知行到埋去，我先發現，佢個樣好病，一睇就知係傷風或感冒 佢問︰「可唔可以俾張紙巾我呀」 唔好彩既係我身上一張紙巾都冇，同埋我覺得帶紙巾係佢自己既責任，就問佢：「你自己有冇？有既話我可以俾你拎出黎」 佢搖搖頭，咁我都冇計，正諗住行開既時候，佢突然指住斜前面隔左成3、4個位既考生(應該係佢朋友黎)，問：「我可唔可以問佢借？？？」 我當堂眼都突埋，嘩阿同學，家下考緊試喎，你唔做份卷啫，你朋友都要做架﹗(佢朋友又真係好俾心機咁做緊份卷) 行埋去問佢借阻左佢成分鐘可能就咁答唔到成條題目架喇喎！ 唔知係咪佢平時喺學校老師會俾佢咁做，所以出到黎都覺得可以咁做。 我當然都係同佢講話唔得，之後佢嘖左我一聲，又伏低瞓佢個覺去。 之後我都幫佢班左幾張紙巾返黎架，都算唔話得啦。 最後個女仔當然係交白卷。DSE同學仔應該要多謝下佢~" From 薄扶林大學 (HKU) #奇聞 ================================= Free Membership ==> http://bit.ly/dryclubmember Follow our Instagram! ==> http://ift.tt/1fAxES7 Love stories (交文) - http://bit.ly/dryclubstory DSnap (交圖) - http://bit.ly/dryclubphoto

from HKU Dry Club http://ift.tt/1iXMdDK

via IFTTT