Love story #4776 [閑話一則] "A-1 有/有 Hehe 利申：之前一直暗戀緊一個直男，無可救藥果隻。試過拍拖三日， 因為空虛寂寞凍接受左某人(即使佢完全唔係我杯茶)Hurt到人真心過意唔去，好彩冇浪費過佢時間。 未入U之前，我還是一個純情小處男。默默地暗戀學弟，至今同佢亦是朋友，將來亦只會是朋友。佢仲未知我中意佢，應該話，我愛佢。為左佢，我開始SET TARGET，我知道，為左我將來既另一半，我一定要做好自己，我要成功，我要變成一個有資格出櫃既人。最後，我入唔到我想入既神科，但至少我入到CUHK。佢改變左我好多，冇佢亦唔會有今日既我。 只係，我入左U之後，開始睇化，同時亦墮落了。無論我點等，我仍然改變唔到佢係直既事實。應該話，即使有得改變，我都唔會忍心去變。因為...果種壓力，我怕佢受唔住。 當時，我同班舊朋友失哂CONTACT，響大學既人際關係又好壞參半(現在好了好多)。最重要。。。我發現自己再冇理由、藉口去關心果個直男。於是，我開始用GAY APPS，我開始one night stand，搵FUN，去SAUNA...只係一年時間，我變成左個老江湖。 我知道，以上的理由在你們眼中，都只是藉口，根本原因都只會是淫賤。我亦都冇打算申辯。我到現時唯一，我後悔的只有一件事。 我放下了、忘記了、失去了去愛的能力。 我和那個直男還有聯絡。儘管我地冇以前聯絡得咁密，儘管我再唔係當初果個我。只要我聽到佢既聲音、比佢問功課、睇到佢問我點解咁耐唔搵佢，係咪好忙。。。我依然會好開心，打從心底既開心。只係，我變了，我對佢再冇當初果種執著。正確黎講，我睇化了、我放低了、我接受了。哪怕，我依然愛佢，就算我變成另一個人，我依然愛佢。但是，來不及、回不去，我只能接受現實。 那個直男，我放棄了。問題係，我漸漸變得唔識點樣去追求，唔識點樣去愛人。昨日，我遇到了一個人。即使我地響桑拿認識，我地離奇地冇發生任何關係。因為，我地都知道，Fun=分。最後，我地離開時，二人「冇穿冇爛」、體內亦「冇多冇少」。我地交換左電話，成為左朋友。雖然，佢只係話想同我做朋友，但佢亦冇阻止我追佢。 這件事，看似順理成章，我也曾經感覺，我的緣份來了。只是。。。我唔知我應該點做。 我約左佢下星期睇戲，佢亦應承左。只係，我而家過既一分一秒，心中都在煎熬。我很怕到最後都是一場空，我很怕我同佢連朋友都冇得做，我很怕我會再次失去我中意既人。即使佢話唔介意我同佢WHATSAPP，我WHATSAPP佢佢都有回(雖然不長)，什至我打電話比佢，只係為左聽下佢把聲，佢都話唔介意。但係，我明嫁，人總會怕煩，我好驚我會「煩」走這段姻緣。我又驚我唔出聲，LEE段姻緣會石沉大海。總之，我好怕我會再次失去。 我想問：究竟點先可以搵到平衡？究竟我應該點做？ P.S口語書面語混雜，文筆差劣，少少1999，抱歉。" From 馬料水大學 (CUHK) #LGBT/hehe, #思念, #求意見, #奇聞, #愛情疑問 ================================= Free Membership ==> http://bit.ly/dryclubmember Follow our Instagram! ==> http://ift.tt/1fAxES7 Love stories (交文) - http://bit.ly/dryclubstory DSnap (交圖) - http://bit.ly/dryclubphoto

from HKU Dry Club http://ift.tt/1iXMdDK

via IFTTT