Love story #4768 [致所有男仔頭] "O9, N/Y, female [長篇大論19文, 未戴黑超慎入] 細個因為父母離異所以盡量乜都靠自己 算係典型既懶堅強獨立單親細路 我個子比較細粒 唔夠160 個樣算唔上係靚 d人會話我好可愛好得意之類 無奈我由細到大都係男人心女人身 性格男仔頭又帶點麻甩 打扮中性 唔著裙唔著短褲唔著背心 鍾意男裝多過女裝 講野粗聲粗氣 玩起上黎會好癲 成日俾人問我可唔可以似返個女仔 成個人內外反差都幾大 中學果時唔知d男仔係咪鬼掩眼 短至三個月長至三年既統統都試過 自問每一段都係真感情 未試過玩玩下 之後考完AL出黎收左皮 升U無望走左去讀asso 同時亦開始左兩年單身的生活 讀asso果時都會間唔時聽到有人話阿邊個邊個想識我 但從來都無人真正approach過我 又會聽到有人話我成日flirt仔啊去蒲啊好多兵啊之類 都係果d衰野啦唉 有時會諗係咪自己身邊太多男性朋友 雖然好清楚大家都只係兄弟 但外人難免會閒話 我一路無理人地講咩 做返自己 繼續係熟人眼中癲癲得得on99無人媾既男仔頭 再之後走左去讀top-up 識左個男仔 性格唔錯 幾年前拍過一次拖 唔煙唔賭最多飲下酒講下粗口 有車有樓無番狗 俗稱傳說中的筍盤 岩岩識覺得佢咁毒我應該同佢溝通唔到 (偉大英雄聯盟的子民) 點知傾落原來又幾吹得 唔知點解好鍾意搵佢講自己d舊屎 不論無聊屎定情屎定性屎乜都講 一直當佢係一個可以咩都講得既兄弟 久而久之d common fd就話覺得佢對我特別好 兩個月後就一齊左 我問佢唔會覺得我太唔女仔同太多過去咩 佢捉住我隻手望住我 同我講 佢接受左我既所有 好既我 壞既我 佢全部都愛 果一刻我忍住淚水 我覺得我一直做自己唔造作係無白費 其實再硬朗既人都只係等緊可以溶化佢既另一個人 我好慶幸可以遇到佢 係人前 我係一個獨立堅強既男仔頭 係佢面前 我終於變返做一個有人照顧有人錫既小朋友 一齊左幾個月 我好明白點解歌會唱i'm lucky i'm in love with my best friend 而家同佢相處好舒服 發覺大家愈黎愈多共通點 果種感覺好微妙 係我第一次感受到 雖然唔知我地可以行幾遠 幸福願意留幾耐 或者看倌覺得我係度派葡萄 想閃爛你地對眼 但我想同所有男仔頭講 邊個話一定要長頭髮溫婉文靜先有人追 短頭髮粗粗魯魯既只要唔係壞人都一樣可以 做一個自己覺得舒服既人 自然就會遇到願意接受而又愛真正既你既人 我唔敢講自己係一個徹徹底底既好人 但我信佢眼光 我諗我衰極都有個譜既 嘻嘻 He's the best I've ever met/had. I wish you could soon. :) Sorry for 199999999~" #幸福小品, #勵志 ================================= Free Membership ==> http://bit.ly/dryclubmember Follow our Instagram! ==> http://ift.tt/1fAxES7 Love stories (交文) - http://bit.ly/dryclubstory DSnap (交圖) - http://bit.ly/dryclubphoto

from HKU Dry Club http://ift.tt/1iXMdDK

via IFTTT