Ocamp story #5806 [有到左一年一度快樂既hall迎新] 我係某hall大仙，過多幾日就到左我地舍堂上下最團結一心既迎新日子，全部人一定會到齊，因為迎新係一個比莊民反省一下成年對舍堂所作出既貢獻呀，付出呀，乜鳩呀，物鳩呀咁，咁有意義既活動點會唔齊人，就算有人因為要返工呀，去旅行呀黎唔到都唔緊要，最多都係寫你個大名係樓下民主牆度比多個人地同你自己三思架姐，諗起到令人興奮。 迎新個大路向咁有意義，入面既活動當然係為fm同current度身訂造啦。一入到去就要你唔出聲企係度三個鐘，除左可以練習你既腳力仲可以趁呢個機會反思下自己，企到攰唔緊要，因為會有current keep住提醒你要企得夠直先對得住自己父母，通常企到直一直，由腳去到條jer都扯行哂既人應該都係將來社會既成功人士。企左咁耐，終於有得食飯，成枱都係雞呀，魚呀，正，有廿秒鐘時間比你食，夾左舊雞擺落碗飯準備mark 大個口既時候就岩岩好夠鐘。我都係靠呢餐飯先體驗到非洲既兒童原來係有幾咁悲慘。 食完飯有乜做？唔使問啦梗係繼續企，不過今次係advance版，企之餘仲要練cheers，練既方法係current唱一次，你就要背到成首，其實都真係好基本，幾簡單。背唔到？無既，比人鬧下姐，話你聽你媽生舊叉燒好過生你姐，咁講真無計啦，有乜理由咁都背唔到，自己拎黎既。 當企到凌晨2點，你終於可以沖返個十秒鐘既涼，訓覺成頭泡聽講可以減低腦癌既染病率。 待續 ====================================================== 我哋將會陸續放送不同入U資訊比各位新同學，不論你係唔係HKU嘅學生都請你哋Like我哋Facebook page HKU Dry Club 緊貼各大院校最新動態！ 我哋嘅Freshman專頁，有齊你需要知嘅所有資料 ==> http://ift.tt/1uaqwqY 歡迎你向我哋訴說心底話，我哋嘅admin會親自回覆你 ==> http://ift.tt/1sIOKWB

from HKU Dry Club http://ift.tt/1iXMdDK

via IFTTT