Saturday, August 30, 2014
Love story #5456 [希望有人一巴車醒我] 我一路覺得自己唔會真正咁愛一個人，因為覺得我其實係自私，好難喺冇例如血緣呢種強烈牽絆之下為另一個人付出好多。我同我ex一齊嘅時候我覺得我好鍾意好鍾意佢，但係因為覺得愛係好高層次嘅嘢，所以我都唔敢好輕易就話自己係愛佢。喺呢一段感情中佢講過大話呃我我原諒咗佢，因為我好鍾意好鍾意佢，但係之後佢比綠帽我戴。我又原諒咗佢，因為我好鍾意好鍾意佢。但係我地之間返唔到以前，我變得好多疑，因為咁而不停嗌交。最後佢同我分手。我身邊嘅人都話你搵過第二個啦，咁嘅女人唔值得你對佢好。但係我就一直放唔低。我覺得就好似係一個屋企人犯錯令我傷心咁，我唔會想斷絕關係而係會希望佢可以改過，只要佢肯改我都會再接納佢。就算佢曾經俾綠帽我戴就算佢傷害過我，我都希望佢可以改過，希望我地有一次重新開始嘅機會。我嘅朋友就話，你咁樣已經唔係鍾意，係愛。我都唔知究竟我真係愛佢，定係只係我本身執著。我都唔明自己點解喺知道佢近排唔開心嘅時候會覺得心痛，仲要時不時搵返佢，好似好一廂情願地希望我嘅安慰同支持可以令佢好過啲。我覺得自己係應該搵下新目標識下啲新女，但係又對呢件事一啲興趣都冇。diu我覺得自己好愛佢，希望有人可以一巴車醒我 ====================================================== 歡迎你向我哋訴說心底話/發表偉論/學術研究/純粹9up，我哋嘅admin會親自回覆你 [圖文均可] ==> http://ift.tt/1sIOKWB
Subscribe to:
Post Comments (Atom)
No comments:
Post a Comment