Love story #5956 [仆街賤男人] 其實望住呢對情侶一向都好sweet 佢地一開始個男仔許下好多諾言 又話同個女仔結婚 又點點點 令唔係好相信愛情既女仔有小小憧憬 直至前幾個月個男仔話好忙做義工 同個女仔講分手 個女仔之後先知個男仔怕第時忙 冇時間理佢 先分 個女仔挽留成功 之後第二次分手 係個女仔覺得好唔開心 因為個男仔話幫人覺得夜晚送第二個女仔番屋企冇問題 仲講到明 送之前唔會同個女仔講 個男仔講左分手 仲話唔知仲愛唔愛個女仔 因為佢個個都愛 話淨係想同個女仔有親密行為 第三次分手同第一次個原因差唔多 不過就話有一年既約定 一年後再一齊 第四次就係話價值觀唔同 其實呢個男仔真係好仆街 你咁對個女朋友 然後有問題出現 永遠咩都唔講 由個女仔傷心 每次都係個女仔自己係到喊 然後私底下問個男仔d朋友究竟做咩事 到依家 分左手 個女仔傻到搵熱水倒自己隻手腳 等自己忘記個心痛 佢最憎著長褲 但唔想比你見到佢d傷痕要你擔心 之前日日著長褲 個女仔一直好多人追 但佢傻到永遠自己都唔知 你見到佢比人追又話佢同人地一齊左 你on9架？ 望住你地由一齊到分開 真係覺得好心痛 你分手做得絕 做咁多野 你知唔知個女仔變成點 曾經佢係個好樂觀會成日做義工 識左個做義工既你 佢依家日日愁眉苦臉 但對身邊既野再冇感覺 唔識開心唔識傷心 更加唔識心痛 呢個對你應該最滿意啦 又唔敢再幫人 街又唔係好敢出 怕勾起同你往事喎 身邊個個都好擔心佢 你點對得佢住呀 呢個係佢初戀黎 屌我都唔撚知你點做到咩大埔傑青又咩拎獎又話做個好護士 同你同一間u都羞恥 ====================================================== 歡迎你向我哋訴說心底話/發表偉論/學術研究/純粹9up，我哋嘅admin會親自回覆你 [圖文均可] ==> http://ift.tt/1sIOKWB

from HKU Dry Club http://ift.tt/1iXMdDK

via IFTTT