Love story #5961 [要怎麼走下去] 男朋友早排去左泡菜國exchange。 因為佢以前嘅經歷，令我唔係好敢相信佢真係經得起寂寞，唔信佢冇揾韓妹慰寂心靈。所以我一直都對佢不揪不睬單單打打，況且佢話自己學校好忙，我地每日就只係幾個whatsapp兩三張相就冇了，連一個skype call都冇。 當時我每日不停揾野做令自己唔好咁掛住佢，番工温書揾fd行街... 但換來既係忙完之後更空虛，顯得我更寂寞。 咁岩前排番工，有兩個男同事都對我幾好，我就開始同佢地whatsapp, 一齊食飯傾計講笑，因為有人陪我我覺得我個心會好過d... 你地可能會話我收兵，但我冇做過任何越軌行為對唔住我男朋友。 後來我男朋友番左香港，我覺得自己仲未適應佢番左黎，見面既時候仲有d唔自在，好似冇左個種想撲埋去佢度嘅感覺... 但我清楚我唔係唔愛佢，佢都感覺到我有d唔同，問我：你唔想我番黎嗎？唔想見我嗎？我feel到你對我有d野架... 我冇得反駁，的確我習慣左冇佢嘅日子。就係咁，冇幾耐佢有一晚同我講：我地比對方冷靜下.... 當下我呆左，即刻諗番自己有咩做得唔夠好到底發生咩事。我知我唔信佢係我過份，但原來要死都臨頭先知自己唔想冇左佢。我問佢點解要掉低我，佢一句都冇答我。我乜野可以做黎補救嘅都試過，拍片影相send比佢去佢屋企附近撞佢(佢住東涌我住馬鞍山), 甚至連佢家姐都幫我手搞掂佢，佢依然無動於衷。個半月了，眼見一日一日咁過，身邊嘅朋友都勸我放棄，唔好對自己咁殘忍。 就係我決定放棄嘅前兩日，戲劇性地佢揾番我。 佢同我講，呢個半月黎佢諗得好清楚，到底呢一切點解會發生，由咁開心變到雙方對大家都冇信任。佢冷靜左咁耐，依然好愛我，好想同我有未來。 我好開心，以為可以好似以前咁，但我發現，原來又係行返條舊路--又係一日得幾個whatsapp... 我已經唔玩心理戰話等邊個約邊個先，我放低哂面子去約佢，換來的係佢回應我三次：sorry, 我哩排好忙。 中秋節係我地一齊兩周年。講到哩度，我已經唔知可以再講乜同做乜好。唔知係我已經好氣餒定係點，好似比個天將我地玩黎玩去，我覺得有種有心無力的感覺...。 ====================================================== 歡迎你向我哋訴說心底話/發表偉論/學術研究/純粹9up，我哋嘅admin會親自回覆你 [圖文均可] ==> http://ift.tt/1sIOKWB

from HKU Dry Club http://ift.tt/1iXMdDK

via IFTTT