Non-love story #5851 [住新界讀HKU已經輸左九成] 住新界 朋友親友一聽到你讀HKU 通常都會話 "叻仔喎 有前/錢途呀 港大難入呀" etc 但係住新界讀港大既苦又有邊個知呀 住得新界 又讀得港大 基本上已經左陷入惡性循環 搭車返campus 至少要個半至二個鐘 車費又40蚊以上 搭一程車都算好 可以訓下 但多數都係要不停轉車 恰都冇得恰 如果要上八半堂 因為朝早返工人潮/車潮 六點起身都炆炆地 六點起身? 大把住hall既訓都未訓 好啦 講到住hall 好多人都會問我點解唔住hall 先講hku既hall唔係話你有錢/想住/有需要 就有得住 通常住hall有3個審批標準 1: 人事關係 住新界 讀新界既村校 一年可以有幾多個入到HKU 冇師兄係hall 入面已經輸左2成 2:活動 唔靠人際關係唯有靠實力 但係新界仔點同港島仔鬥? 新界村校淨係識要你讀書 玩咩活動 人地港島仔讀中史去成都視察 我地新界仔歷史博物館都冇得去 人地又劍擊又棒球又bowling 我地永遠都係足籃排 好啦 冇Hall未參加下soc event加下分囉 但係一日來回搭車都搭左3,4個鐘 仲有力/時間玩soc? 當有時間玩 我當一星期返5日 車費都200 又冇時間返pt 錢從何來? 3: 講需要 依個仲好笑 講需要? hall係唔會睇你需要 收你既 住西寶城都收 唔收你既 住沙頭角都唔會收 報龍華 未發夢啦 一班NDS同你爭 你住沙頭角?佢住北京喎 冇hall住 日日晨早坐車返車 冇得訓 想走堂 又怕爛GPA 爛GPA 又要時間追 要時間追又要摺 摺又冇人事 冇人事 又冇hall住 不斷loop 到最後 住新界既港大生 所謂既U-life 就只係一程程既970同一張不停負錢既八達通 人地睇我讀港大好威? 其實有苦自己知 by糖紙 ====================================================== 我哋將會陸續放送不同入U資訊比各位新同學，不論你係唔係HKU嘅學生都請你哋Like我哋Facebook page HKU Dry Club 緊貼各大院校最新動態！ 我哋嘅Freshman專頁，有齊你需要知嘅所有資料 ==> http://ift.tt/1uaqwqY 歡迎你向我哋訴說心底話，我哋嘅admin會親自回覆你 ==> http://ift.tt/1sIOKWB

from HKU Dry Club http://ift.tt/1iXMdDK

via IFTTT