Love story #5859 [緣份為何物] 引言： 命運嘅野，我識條春咩…… 我呢一刻可以做啲咩，去避免遺憾？ 自我起底： 我未拍過拖。但唔代表啲乜野（想笑9我FF就隨便啦，不過唔係。有好多details我無辦法一次講晒）。我到現在為此鍾意過三個人。第一個我嗰時細路仔唔識世界，用左幾年時間纏住一個根本唔鍾意我嘅人。 死心之後，用左半年時間整頓心情，愛上第二個她。我估計今次呢個係鍾意我，只係我一直唔敢相信，一直曖昧，一直想證明一切。證明到我係啱嘅時候已經太遲，timing唔啱，加上本身有啲 conflict 解決唔到（唔詳細講啦），佢唔再鍾意我。始末前後歷時一年。 之後過左一個月嘅時間，我遇到佢…… 簡單自介： 樣貌中上，風趣幽默，學識淵博（以上係人地講嘅、非FF），無不良嗜好，不過身高方面就擇使少少 (無170) 。好鍾意同人討論學術話題 :( 。 ------------------ 正文： 喺今年暑假，我參加左個活動，你當類似係camp啦，個活動本身就係我地全個團隊去organize一啲活動俾人參與嘅（你當係一啲義工計劃啦） (if 1999, sor) 。就係咁樣，我喺camp前嘅幾星期嘅preparation就識到佢，亦係因為咁，我同佢喺camp有連續一個星期嘅相處時間。 佢係喺外國讀書嘅（以下用「某國」指代），因為暑假先至返黎。 佢溫柔、有氣質。佢係極少數可以同我傾到學術話題嘅女仔，唔係敷衍我去endure個 conversation 嗰隻，而係好有興趣好有深度討論，唔係hea我嗰啲。我不嬲無懼同女性溝通，只係女仔通常都會覺得我過份理性，唔會太有耐性同我講野……但佢就唔同。我初時不以為然，只係覺得奇怪，點解呢個女仔成日望住我，點解咁留意我講嘅野，成日對住我笑？（我係指laughing唔係 smiling） 係，我係有感覺，但係我每次有感覺嘅時候，都會喺心入面同自己講：「唔好傻啦，佢遲啲都要返某國架啦……理智啲啦。」想撳住呢種感覺，直到個camp就黎完，去到尾二嗰日，我個心臟猛烈跳動，我極度焦躁不安，個腦係咁迫自己諗：「就黎完啦，我好有可能以後唔會再見到佢。」我就知我瀨野。 不過喺個營會餘下嘅兩日，我都一直用第一句說話催眠自己，咩都無做過，照舊談笑風生，我講佢笑…… 但係我猛烈嘅心跳、焦躁嘅感覺，數日以來至今絲毫無減，因為我知道，過多三日佢就飛返某國。 我唔知咁樣係不負責任定係浪漫。識人咁短時間就妄想人地等你幾年。 雖然係咁，佢呢幾日都唔會得閒，好難會搵到佢。除左直接用 message 直接表白之外（此舉被譽為失敗者之法），我無第二個方法。 我唔想有遺憾。我可以點做？Go or let go? ====================================================== 我哋將會陸續放送不同入U資訊比各位新同學，不論你係唔係HKU嘅學生都請你哋Like我哋Facebook page HKU Dry Club 緊貼各大院校最新動態！ 我哋嘅Freshman專頁，有齊你需要知嘅所有資料 ==> http://ift.tt/1uaqwqY 歡迎你向我哋訴說心底話，我哋嘅admin會親自回覆你 ==> http://ift.tt/1sIOKWB

from HKU Dry Club http://ift.tt/1iXMdDK

via IFTTT