Love story #5834 [歌詞、經歷、感覺] 以前聽歌，總係好簡單地聽個旋律，頂多就係聽埋啲歌詞壓唔壓韻。 但人大左之後，開始多左Ｄ經歷：明戀、拍拖、暗戀、暗戀失敗…… 聽歌詞既時候自自然然就好似「叮」一聲甘明白左啲歌詞講乜（或者係自以為明白左） ＃＃阿牛 －陳奕迅 怎努力 都想不起 初戀怎會改變 情侶數字 我屈指一算大概知 奇怪卻是 每戀一次 震憾總逐漸變得越淺 令人動心 只得那次 人大左，可能有好多次戀愛，或者而家呢一段好動魄驚心，以致唔記得左以前果一段初戀。 人拍得愈多拖，可能學識既野更加多，知道點樣去氹女朋友、知道邊度係浪漫位……但係，呢啲野，做得愈多就愈係容易令人覺得「平淡」 商業化既社會，要同女友去食個allday breakfast，然後睇一場戲，再帶女友去agnes b食個tea 影張相上ig，仲要準備花，帶女友去ifc睇夜景。 但係呢一啲野，總係冇初戀果時同暗戀既女仔一齊去溫書、一齊去補習、一齊拎住個福喜麵包甘令人回味。 果一種青澀既感覺，我諗呢一世都唔會再有，除非，時光可以倒流，俾我可以有機會再同果個女仔來多一次。 試諗下，當你死果一刻，你還會記起你曾經有過既７段戀情嗎？我估：你應該連佢地咩名都唔會記得 但可以肯定既一樣野係：你一定記得第一次暗戀既女仔，你為佢做過既傻事、佢無心但你聽落好warm既一句關心說話、佢個樣……呢啲你一定記得 ＃人來人往－陳奕迅 閉起雙眼你最掛念誰 眼睛張開身邊竟是誰 ＃無人之境－陳奕迅 這個世界最壞罪名 叫太易動情 但我喜歡這罪名 …… 如若早三五年相見 何來內心交戰 我信與你繼續亂纏 難再有發展 但是我想跟你亂纏 到左死果陣，係你身邊果個係唔係真係你一生人中的最愛？我估，多數唔係。好多時候，人生中總係出現好多變數，令到人與人之間既關係出現差錯：當我未認識你，我就有左女朋友。當我認識你，發現你先係我最愛時，你卻會因為我有女朋友而消失係我朋友圈。timing，究竟造成左幾多呢類既遺憾？係唔係我太過容易對人動情，先至會有而家呢一個遺憾？如果係，祈求天父做十分鐘好人，俾我早三五年認識佢。如果唔係，我願意放棄一切去「跟你亂纏」。 有沒捱壞了身子 會為哪位披嫁衣 你有否掛念當天這 醜小子 今天看那段歷史 像褪色午夜殘片 笑話情節 此刻變窩心故事 現時大了 那種心跳難重演 極燦爛時光 一去難再遇上一次 真係冇錯。初戀、暗戀果一段刻骨銘心既感覺，一旦逝去，好難再來多一次。或者時間流水沖刷歲月幾十載後，呢一切都變得沒有那麼激情，但我知道，以前後生既時候，為左你，暗戀你，去諗笑話氹你笑、每日返學放學就係留意你既動向為既就係同你講句hi講句bye、每日就係留係你５０米範圍為既就係希望隨時出現幫到你……呢一種，我諗已經普通O2+可以有既感覺，呢種感覺，只屬A0。呢種，係心跳回憶、係小學雞口中既：當你中意一個人見到佢個心就會bob bob甘跳。 唔知點解會有甘向左走向右走多感覺。 ====================================================== 我哋將會陸續放送不同入U資訊比各位新同學，不論你係唔係HKU嘅學生都請你哋Like我哋Facebook page HKU Dry Club 緊貼各大院校最新動態！ 我哋嘅Freshman專頁，有齊你需要知嘅所有資料 ==> http://ift.tt/1uaqwqY 歡迎你向我哋訴說心底話，我哋嘅admin會親自回覆你 ==> http://ift.tt/1sIOKWB

from HKU Dry Club http://ift.tt/1iXMdDK

via IFTTT