Love story #5819 [sisterhood] 呢排regday咁多有關hall既負面post 等我講下啲正面既嘢啦 我講緊既係友情, more specifically, 係姊妹情 我住左喺hall已經兩年 兩年內我最珍重既唔係咩歸屬感優越感 而係我班同年仙 我地hall由ocamp就開始講同年仙感情既重要 當年年少無知既我只係覺得佢地可能會係我大學裏面比較熟絡既朋友 甚至可能只係每日都見既hallmate 我仲會覺得佢地點都比唔上我中學既好朋友 直至最近我屋企經歷緊一啲困難 搞到無辦法再住hall既時候 呢班同年仙竟然續個whatsapp我同我講 叫我唔好走 hall fee佢地會一齊settle 叫我放心留喺hall 我問 Are you crazy? 佢地又真係答話 We are crazy. 可能對好多人黎講唔係好大件事 但有你又點知日後會有幾多真心朋友會為左你而咁樣付出 我知道佢地當中好多人都係自己支撐緊自己生活開支 呢個舉動真係令我感動到唔知點表達 突然要離開 回頭望 原來我係有一千萬個不捨 原來我地曾經經歷過咁多 開心既時候一齊大嗌大笑 唔開心既時候一齊飲醉一齊喊 忙既時候一齊一邊呻一邊繼續博盡 無嘢做既時候大叫亂fing 球場上覺得好chur但仍然一齊跑到盡既日子 多到我都數唔哂 我知道有啲嘢只有你地明白 感謝你地令我大學既生活曾經過得咁青春咁充實 感謝你地為左我咁樣瘋狂過 你地永遠都係我最好最真誠既朋友 如果俾我揀多次 我一定會再揀何東 無辦法想像我生命中無左你地既日子 人地點講都好 我相信你地都係因為呢份感情而選擇呢到 慶幸我搵到大學想要既嘢 同年仙 i love you all! i will always miss you:) ====================================================== 我哋將會陸續放送不同入U資訊比各位新同學，不論你係唔係HKU嘅學生都請你哋Like我哋Facebook page HKU Dry Club 緊貼各大院校最新動態！ 我哋嘅Freshman專頁，有齊你需要知嘅所有資料 ==> http://ift.tt/1uaqwqY 歡迎你向我哋訴說心底話，我哋嘅admin會親自回覆你 ==> http://ift.tt/1sIOKWB

from HKU Dry Club http://ift.tt/1iXMdDK

via IFTTT