Non-love story #4251 "[美麗 由此起] 二 哈哈，見到甘多人讚好同有人糾正我既想法，真係好開心呀 :D 因為我就係想集思廣益，拋磚引玉。等我呢舊磚仔，可以引多D勁人出來互相交流下，一齊學下野，學海無涯MA 好啦，我決定分享一下塑形呢一個方面先。 1. 應該塑形非盲目減肥 好多女仔都好重視自己既體重，日日望住個磅，輕又幾磅就興奮莫明，相反呢? 就因為重左幾磅就鬱悶到不得了，食吾落野，又或者個心總係UP住UP住。其實好身材的關鍵吾係減肥，而係塑形。 塑形就係根據自己既身高、體重、年齡同三圍等資料，搵出每個部位應有既呎吋，再睇下你而家既狀況，針對性進行改善，所以有時未必係肥左，可能係瘦得濟。如果你係google/ yahoo 打「塑形」，就會出現一系列咩咩療程，又打針又溶脂，但我地甘細個(先廿幾歲)，可以話係我地呢一生人最美好最有活力既時間，未駛靠呢d住，甘靠咩??? 靠自己囉。 首先，我會計下自己既BMI。BMI = 體重(公斤) ÷ 身高(米) ÷ 身高(米)， 分類 ＢＭＩ 患上嚴重疾病風險 過輕 \u003C 18.5 低 (體重過輕對健康 有其他影響） 正常 18.5 - 22.9 普通 過重 - 邊緣 23 - 24.9 增加 過重 - 肥胖（中度） 25 - 29.9 中度 過重 - 肥胖（嚴重） > 30 高度 計完之後，就會知道其實你吾係你想象中甘肥。跟住就會搵方法令自己既身體變得緊緻，淨係得個「瘦」字真係吾靚，反而全身無咩贅肉，成個人就會顯精神奕奕的靚，而吾係皮包骨。 即使體重因為肌肉增加，但你的身材睇上去都係會均勻地細左。 *** 注意BMI係吾能夠分辨人體體重中肌肉與脂肪比例。想測脂肪，可以用脂肪夾夾，應該好多大學PE Department 有得借 2. 豐胸 跟住落來，就係講豐胸啦。個胸大d相信係大部份女仔既夢想，包括我，如果吾係我都吾會搵甘多方法，哈哈。好多人認為過左青春期，要想再豐胸係無可能，其實只要配合食物補脾同穴位按摩，擁有迷人豐滿既胸部吾再係幻想。 胸部應該係用豐滿度同堅挺度來分，簡單d 豐滿即係大吾大，堅挺即係會吾會出現 ‘’墮’’ 既情況。我覺得最有效既方法，就係多按摩乳腺。乳腺就係沿著腋下向乳頭伸展我，只要女孩子多多按摩呢個位，能刺激乳腺之外，仲可以緩解肝氣鬱結的症狀。至於要堅挺，就打圈按摩啦，但要注意一但個胸夠挺，就吾好打圈啦，因為甘會消耗脂肪……..lol 你懷疑得吾得? 吾試就一定吾得，試就有可能。 3. 腰部 好開心見到有朋友分享左，用針灸同gym變大隻既文，跟住佢問左點樣可以綀腹肌，的確有好多動作係youtube可以搵到，但我就特別鐘意其中一個，分享下，男仔、女仔都可以做。 A.. 前臂撐地，前臂與上臂呈90度，以腳尖點地，身體呈一直線，臀部微抬，腹部收緊，停1分鐘。 休息一分鐘 B. 全部一樣，只係將左手收起，練左側，hold1分鐘 休息一分鐘 C. 全部一樣，只係將右手收起，練右側，hold1分鐘 ABC 為一組，可以既話做三組。 你會發現HOLD一陣已經成身汗，記住按住自己既能力，慢慢來，欲速則不達，吾好整親。 最後，想講都幾認同果個針灸變大隻既朋友講既野，就算係A都可以好好錫住自己，可以令自己變得更好。我都係A，但吾代表D咩，最多只係話未遇到Mr.right，既然未遇到錫自己既伴侶，自己都吾愛自己甘等邊個來鍚? " From 大埔女校 (HKIEd) ================================= Dry Club Official Member recruitment + Our first privilege for you! **Our membership is free of charge!** Party + Free Membership ==> http://bit.ly/dryclubparty Free Membership only ==> http://bit.ly/dryclubmember

from HKU Dry Club http://ift.tt/1iXMdDK

via IFTTT