Love story #4394 "[我都知1999，因為我真係好亂，或者可能係我一向都1999] O1 女 同男朋友就黎拍左兩年拖 呢一年來都斷斷續續咁出現D問題 詳情唔講喇，廢事再諗起一路打一路喊 其實我好清楚出現呢一年問題既原因 係上年大家考完DSE後佢扼我話大家都唔去旅行(佢既原因係話佢果個暑假好忙，好多野做同好多野學) 結果佢同左佢D fd去(佢去既原因係因為佢D fd就哂佢，佢覺得推左佢地會好衰) 咁我有為左呢件事嬲左個幾星期 但唔知點解崩潰既會係佢 當我都冇哂事時 佢話我既態度(姐係我唔開心既反應)令到佢好唔好唔開心好嬲 佢話佢需要一年時間調和 其他有d變相係我搞到佢嬲 總知大約係咁 呢一年大家入左u(唔同u)之後都冇再講呢一件事 不過斷斷續續嗌左好多次交 嗌既原因都係d佢唔中意我住hall陪唔到佢 仲有d係嬲我做咩唔走堂、做咩要咁緊張讀書 成日話我""講大話""(所謂講大話，只係我解釋得1999、唔小心講錯野之後改番口、甚至係我去參加d活動同佢講既預計時間唔岩) 類此咁樣，呢一d都係導火線 每一次我都係輸家，要同佢say 哂sorry認哂錯 一開頭我都盲目咁覺得我係低能成日整嬲佢 不過嗌多左就開始問自己究竟係咪次次都係我錯或者成件事其實根本唔需要去鬧交 我以為真係等一年同佢去返個旅行就冇事 依家 plan埋個旅行 點知仲會有以上既問題 嗌得多，就算我平時有幾心平氣和認哂低威都好 我始終都有控制唔到情緒既一日 我好清楚咁同佢講我唔開心我忍唔到發你脾氣係因為佢 佢既回答係我再咁講呢d佢就發我脾氣:0) 好多時我都唔知佢做緊乜:0) 真係膠都唔想派 每次我認完低威佢都話哄返我 佢話:""激嬲你有我哄返咪得囉"" 每次聽完，之後又唔知等幾時又爆多次 不斷咁loop 我都知上面好1999架喇， 好喇言歸正傳 對住佢我真係好難觸摸 我知道情侶嗌交好正常，唔好講情侶，朋友、家人都會嗌喇 為既係希望對方會對自己更加了解，令大家關係更深 我明白嗌交係某程度上係有好處既 不過，點解佢同我係不斷要係相同性質既問題上面嘈 大佬呀，嗌交係希望對方會對自己更加了解 咁次次都係就相同性質既問題嘈 咁由始至終，由第一次嘈起，其他有冇了解過? 對住佢，我為左避開嗌交 說話上諗過冇問題先講、朋友約會推得就推(廢事要解釋)、返得屋企就返屋企唔住hall(同佢講就話住得好悶/想陪多d阿媽) 我諗，有冇人拍拖拍到我咁要事事小心...... 同自己d fd有傾過， 我都明拍拖鬧交係雙方既責任 我明我都有唔岩既地方 我知唔會係佢錯哂 不過重點係要大家都改變 究竟點解嗌左咁多交，仲可以嗌落去? 究竟點樣先可以令到佢肯為我改變? 話哂大家都係初戀，我唔想因為咁而結束 我真係就得就就、忍得就忍 但做得呢d野多，我真係好攰好灰好唔開心 究竟點解要安慰我整親就哄返我，點解唔係去避免受傷? 我睇唔透...... 仲有幾日去旅行 上年諗等今年去完個旅行就咩事都冇變返年幾前咁開心 我發現我諗得太簡單...... :0( sorry for 1999" From 馬料水大學 (CUHK) #求意見, #講起我就扯火, 9up ================================= Party + Free Membership ==> http://bit.ly/dryclubparty Free Membership only ==> http://bit.ly/dryclubmember

from HKU Dry Club http://ift.tt/1iXMdDK

via IFTTT