Love story #4410 "O2 (紫外線100) 佢又靚仔又高 心地好好 好gentleman 又搞笑 識左佢無耐已經俾佢吸引左 條件咁好自然好受歡迎 busi,sport,hall soc都有玩 自然好多女女9衝佢 我認我都係其中一個 咁多女女之中 都不乏高質女神 有靚既 有身材既 有氣質既 有溫柔賢淑既 (唔係9吹，堅正) 偏偏佢揀左個樣同身材一般 仲有個肚腩仔ha 純粹見得下人既lv既女仔 性格好粗暴 成個男仔頭咁既女仔 真係無啦啦會手痕打下佢d手手腳腳 仲忍受佢成日無啦啦超大既脾氣 有時會搞到大家都崩潰 但平時會勁有耐性咁氹返佢 個女仔唔係好識煮飯做家務呢d野 都無嫌棄過 肯陪個女仔去好多佢想去既地方 唔會嫌棄個女仔中意去機鋪仲成日贏haha 又不斷睇個女仔睇過成千上百既漫畫 為既就係同佢多d話題 最緊要個女仔唔中意佢邊d壞習慣都會努力改哂佢 佢話就係中意呢個女仔夠男仔頭 有話題又可以一齊做中意做既野 可以一齊打機去漫畫屋 話唔洗陪條女行街睇衫扮靚好好 我到而家都仲係好唔明白點解當初你會揀我 就算你覺得後悔我都覺得好正常 因為其他女女好我一百倍 係 我係可以陪你做好多女仔唔會做既野 一齊打機睇漫畫睇波打波 但係其實又有邊個男仔唔中意個女朋友對自己溫溫柔柔 有樣有波 會煮下野食俾自己 照顧下自己呀?話就話素顏都靚 但係其實點都係化左妝靚d 可惜我係偏偏懶到最好淨係刷牙洗面梳條馬尾就夠 起身到出門口15分鐘搞掂既懶女人 (btw提下絲打們 無論個男人點同你認真講佢係中意你素顏多d都唔好信 一係你唔識化妝化到好奇怪 一係化得太濃) 好想知你2年後仲會唔會一樣愛我 我仲未好識點樣表達我對你既愛 反而有時太緊張你逼得你好緊 因為我知道我地差距太大 我點會配得擁有你 一個咁愛我既你 但係既然有緣可以同你係埋一齊 如果你唔嫌棄 希望有機會同你越走越遠 我想相信你 相信你只係會愛我一個 我知係好傻好天真 亦都可能係一時既情迷意亂 所謂既甜蜜期未過 但係點都好 至少我同你一齊真係打從心底幸福過 無論未來係點都好 多謝你 sorry for 1999" From 清水灣大學 (HKUST) #幸福小品, #勵志 ================================= Party + Free Membership ==> http://bit.ly/dryclubparty Free Membership only ==> http://bit.ly/dryclubmember

from HKU Dry Club http://ift.tt/1iXMdDK

via IFTTT