Love story #4412 [無聊夜話] "A0 冇/冇 我知道冇人會想知 不過無聊之際都想好好整理一下自己既思緒 於是就試下打出嚟..... 作為一個只係識讀書深潛到極點既hehe 平時又唔會執下個樣（咁當然本身個樣又唔係好啦）又唔係sporty都唔係咩outgoing既人 唔好話搵拖拍 連hehe friend都唔會多個.... 或者正正因為咁 係僅餘的幾個朋友入面既故事總會記得特別清楚 慶幸既係 係apps識到既人又熟到個啲本性上總唔會太差（物以類聚？lol） 其中有一個係上年暑假識既 其實佢當時都幾冷淡（把口話係情傷 事實就唔知啦） 但係個時我都唔明自己痴咗邊條線係咁R佢 死纏爛打咁搵佢吹水（可能係因為佢靚仔？haha） 後尾熟既原因係因為幫佢解決咗啲感情上既問題 雖然到而家都未解決到 同佢其實都只係食過一兩次飯睇過一兩次戲散過兩三次步咁多多 但係或者係因為佢大過我既關係 有咩野都會同佢講下咁 條友其實唔會係我杯茶 口口聲聲話情傷 轉過頭一日就fun 二三次 我都唔明點解 但係有一排佢冇啦啦晚晚都打俾我咁濟平時其實佢把口已經花 但係加埋電話 個下 我有一刻真係懷疑過自己係咪有啲好感 但係諗諗下自己都唔會想要啲咁open既relationship 加上唔想冇個朋友 同埋我都唔知佢幾時講真定講假 於是就算數啦 但係有時都會諗 如果有拖拍下其實幾好.... 條友最近又拍拖啦 其實佢都仲未忘記佢個ex 但係佢有話同人搞完之後 個個人就assume佢地開始咗段relationship 佢又見條友幾靚仔又sporty又有錢 咁咪開始住先咁話喎 （Ps 佢成日話自己唔靚仔 但係又會有人俾埋錢搵佢爆房 我都唔明） 但係佢又抵死到加句 其實我同你都識咗咁耐啦 點解你唔考慮下我？個下我只係諗到 收皮啦.jpg 之外我都唔知俾咩表示好 當然 我覺得我一世都唔會明白到底點解佢可以搞到咁多桃花（應該係我一世既總和） 佢都唔會知道我曾經真心膠過一陣 我地兩個都唔知仲會傾到幾耐 佢都唔會睇到個post 但係都想係到同佢講句 加油啦 (Ps 佢同我講過佢呢個時候應該出緊trip同人開緊房 :o) ) 另外 我都想知如果我畢業幾年又記得呢個post的話 我到底出咗pool未 :o) Anyway 自己睇一次都覺得好1999 但係唔想執啦 由佢啦.... Pps. 有冇人對純種毒hehe有興趣 ?_? 快啲pm我 lol" From 薄扶林大學 (HKU) #LGBT/hehe, #FF, #奇聞 ================================= Party + Free Membership ==> http://bit.ly/dryclubparty Free Membership only ==> http://bit.ly/dryclubmember

from HKU Dry Club http://ift.tt/1iXMdDK

via IFTTT