Sunday, September 7, 2014
Non-love story #5957 [有無人曾經唔想生存？] 我由細到大都係一個好好學既人， 咩都想學，咩都想知。 可惜屋企既環境連基本生活開支都有問題，我咩都唔可以學， 所以細細個就成日去圖書館睇書自學。 到而家大個左，夢想就係第時入到大學，自己可以做兼職學返自己鐘意既野。 出年就到我考dse，我好大壓力好辛苦。 屋企人，零支持，零鼓勵，甚至連我而家讀咩科幾時考試都唔理唔問。 每日只係話你入唔到大學就死硬架啦出黎掃街啦。 每日放學返到屋企已經好攰好攰，佢地要我做家務，連電視轉台都要特登叫我出去幫佢地轉。 每日一定要跟足佢地既作息時間，十一點前要訓，六點要起身，星期六日假期都要。 但我半夜溫書先會集中到先最有效率，我已經同佢地講過好多次，佢地係唔聽唔理。 唔跟佢地，就鬧，每日都鬧。 放學返到屋企已經六點幾七點，連功課都未做完就要訓，我無時間可以溫書。 屋企無房，所以偷偷地開檯燈都會比人發現。 我真係好大壓力好想溫書，我訓得唔好訓唔著我好想去溫書。 返到學校，因為發生左某啲事，做咩都比人針對，比人話，比人笑。 其實我真係好攰 點樣可以捱落去 From 就快讀大學 (Almost there) ==================================================== >> http://bit.ly/sharesomething \u003C\u003C 歡迎你向我哋訴說心底話/發表偉論/純粹9up/爆料/尋人求偶，圖文均可
Subscribe to:
Post Comments (Atom)
No comments:
Post a Comment