Non-love story #6008 [Re: hehe好坎坷…] [#hehe] 我踏破鐵鞋是否就能找到誰? 睇完呢個post真係覺得好有同感... 我認 我唔係靚仔 而之後自己細心專一乜野優點都係假 Gay唔係我想既 事實係 我的而且確只係鐘意男仔 因為呢個社會既氣氛仲有自己屋企人既一啲睇法我完全唔敢話比人聽 仲記得舅父將呢樣野講成係世紀大罪 有同性戀就代表社會風氣敗壞乜乜乜… 雖然我屋企人冇宗教信仰 但就認為呢啲人好討厭… 我又係自己一個去睇左同一套戲 最後自己一個喊到傻… 每個人都係度等一個人… 『愛情，需要的巧合，比妳想像中的還多。』 我有時真係覺得 自己根本唔係正常人 見啲同學成日咁恩愛我就會諗 其實我都係想有人錫吓關心吓 係我喊既時候同我講句I love you姐 我都係想同我鐘意既人拖吓手姐 真係咁難咩? 曾經試過好傻咁諗住上網識人 換黎既只係一次深深既傷害… 唔通真係個樣生得唔夠靚仔 就冇人關心你既性格 你既內在美 唔通真係唔靚仔 就冇拖拍? 仲有幾個月就考DSE啦 每日自己都好似比負面情緒困係死係個籠裏面 我都係想揾一個會支持住我既人姐 真係冇機會咩…? 唔通真係Your face your fate... 外表唔吸引就唔會得到幸福? From 就快讀大學 (Almost there) #hehe ==================================================== >> http://bit.ly/sharesomething \u003C\u003C 歡迎你向我哋訴說心底話/發表偉論/純粹9up/爆料/尋人求偶，圖文均可

via HKU Dry Club http://ift.tt/1wedYQx