Non-love story #6028 [生存係咪罪?] 糾結左一段長時間，對自己係咪"同"道中人感到恐懼 我選擇逃避，唔想理、唔去諗 不過，當自己慢慢成長，呢種心理關口點都要再次面對... 一直以來，我內心都堅持，而且相信自己唔係hehe 嘗試去喜歡女仔，但完全冇個種感覺 人愈大，經歷愈多，發現自己根本唔係普通男仔 同朋友出街，佢地同我講留意到好多靚女，但自己就完全唔會去留意 被人問由細到大有冇心怡女仔，又啞口無言 睇愛情劇，望男都唔會望女 其實以前嘅我只係一直呃緊自己 入左U，出pool就成為必做嘅事 父母,親朋戚友們覺得我樣子不俗(我自己從來冇咁認為過) 點解仲係A0 冇拖拍 係中學同入u後都有女仔追，但自己冇accept過 父母都以為我眼角高 時間愈來愈長，有朋友甚至開始質疑我性向 咁樣真係令我覺得好辛苦... 我覺得自己好無用，我只係想做一個正常人 點解咁都唔得? 近日社會愈來愈多人關注hehe/sheshe 每次睇到佢地留言都好驚 有時係同學間討論起呢個問題 某啲會講好惡毒嘅說話，而我只會係旁邊唔出聲... 究竟係咪我做錯左啲咩? 其實好多members都對愛情好專一，麼至拖都未拍過 我唔係病毒，唔會害人，唔係咩男仔都鐘意.... 其實我都好想係一個正常人 究竟我生存係咪一種罪? 到左依一刻，我仍然好驚比人知道自己係hehe 父母辛苦養大我，到頭黎唔可以比孫佢抱 佢個心情會係點? 中學好兄弟會唔會同我絕交? 朋友會唔會驚左我? 絕望真相，唯有繼續自己承受 文章有點長，sorry for 199。 From 紅磚大學 (PolyU) ==================================================== >> http://bit.ly/sharesomething \u003C\u003C 歡迎你向我哋訴說心底話/發表偉論/純粹9up/爆料/尋人求偶，圖文均可

from HKU Dry Club http://ift.tt/1iXMdDK

via IFTTT