Non-love story #6072 [最近同條港女割蓆表示痛快] 長篇怨氣文慎入 最近同條港女割蓆表示痛快。 比少少背景資料大家，我同呢條友由中一識到而家。中一嘅時候佢夾埋第二條友背叛我，令我唔識得再信人，整個初中都變得好獨家村。直到中四，佢同我道歉，想大家做返frd，我信咗佢，大家做返好朋友。自此，佢同另外兩個人(a同b)就成為我高中主要嘅朋友圈。女仔都係麻煩嘅動物，嗌交冷戰都試過，但總算係firm到畢業。year 1大家都忙冇乜時間見，但係都仲keep 到關係，見面傾計都有講有笑。 直到暑假，我哋話四個一齊去韓國。哩個trip 可以話係我玩得最燥，覺得最晒錢嘅一次旅行，簡直仆晒街。哩個旅行完全將佢嗰種港女性格表現得淋漓盡致。 第一件事，事前plan 行程佢同無參與係無分別嘅。所有機票酒店都係我搵我book，佢淨係識講好/唔好，又要要求平，但總之就唔會幫手睇。行程，淨係話我要去哩度嗰度，邊日去喺邊度點樣去都唔知，等我度掂佢。到底佢係咪真係有份去，點解可以乜嘢都唔負責。 第二件事，我哋前後約咗個韓國frd 兩次。第一次約落機之後一齊dinner，但因為飛機delay 加上喺機場搞電話卡加上落錯車蕩失路，返到酒店已經遲咗2個鐘，咁我即刻話放低嘢就好即刻搵個frd 啦。佢條友話，好攰呀抖陣先去。Hi Auntie！你試下約人等咗兩個鐘，人哋仲要抖陣先出吖！我即時燥底自己一個就走去搵個frd。第二次約最尾一日，又遲到因為佢同a要化妝，算，唔係遲好多。嗰日個frd 帶我哋食飯同睇景福宮，條友先係投訴食物，話點解得韓文餐牌，話邊有人一早食飯，我心諗個frd 專登帶我哋食啲地道嘢，仲要明明冇得book都為咗我哋求老闆娘留張枱，你一坐低就投訴。之後去景福宮，個frd 幫我哋買晒飛仲book 埋English tour guide，條友同a 唔通知聲話離隊就離隊，搞到個frd 要去搵佢哋搵唔到。好心啦，人哋得兩日假都嚟帶我哋玩帶我哋食地道嘢，你少少面都唔俾人，個frd 仲同我講your friend doesn't look friendly，我真係唔知俾咩反應。 第三件事，晚晚三點先瞓，朝朝12點幾先起身。我屌你老味，最慶哩樣。邊有人去旅行咁去，我哋去6日，你第2至4日都係12點幾先起身，1點幾先出門口，食埋個飯去到景點都成3點幾，睇一個景點就食晚飯，之後亂鳩行街買化妝品9點幾返酒店收皮，番去又唔早啲瞓，敷mask 吹水玩電話玩到三點，第二日繼續loop。屌你老味，我居然同你晒時間晒咗咁多日。第5日我真係好燥，自己10點出門口去南怡島玩，之後b後join 我去小法國。哩一日係我玩得最開心嘅一日，根本就唔應該同條港女喺到晒鳩晒啲時間。 仲有好多林沈嘢，例如蕩失路淨係識得唔耐煩完全唔幫手搵路仲要責怪我，人幫你影相就奉旨你幫人影就求其，諸如此類。總之哩個trip 令我對佢積怨好深。 咁返嚟之後我都冇anti 佢或者燥佢底之類，費事樹立敵人啦。 直至導火線→佢post 咗張相喺我哋個group，咁我見到佢手臂有啲肉，就講笑話“好肥呀”加個馬騮掩眼emoji，死港女，打咗篇文嚟屌我。我心諗：第一，我句嘢一睇就知係講笑啦下話，洗唔洗咁overreacted。第二，我諗住大家做咗咁多年朋友，抽吓水姐好平常，你都有抽過我啦，我有冇嬲過先，你今次走嚟同我玩認真，屌你。 咁嘅然你都講到咁絕，我咪順水推舟同你割埋蓆，反正之前都積咗好多嘢頂你唔順。咁我又唔想一輪嘴辯駁佢/屌返佢，盞到時大家都冇下台階，所以冇覆過佢篇嘢，從此以後唔再喺group 出聲，慢慢fade out ，畫公仔唔洗畫出腸。 吖點知事隔兩個幾月，佢今日居然搵我，仲要又屌我問我想唔出聲到幾時，話想同我修補關係。屌你老味，想要返個frd 嘅話點解係用哩種寸柒柒嘅語氣，收皮，一睇就知你醉翁之意不在酒，你只係唔甘心！唔甘心你當日寸完我冇feedback！唔甘心冇言語上defeat 我！唔甘心自己當日寸人寸到high high 哋但比人ignore！所以糾結兩個幾月都係條氣唔順，想揾返我寸到我一棟都冇！好可惜，我真係冇咁好閒情逸致同你啲港女嘈，我覆你一個“ . ”就算。你覺得好侮辱所以之後你打嘅嘢激動咗，我好心涼架。我唔係亂噏當秘笈，識你咁多年你咩心態好易知。 為咗食花生，我冇quit 到個group，因為你真係好鍾意post 你自己寸人嘅事跡上去，每次我都笑撚死。一次，有個女仔喺ig 留言問你點解同一張相post 幾次，好奇姐，你就覺得人哋笑鳩你，所以你又寸返人笑人濃妝。又一次， 有個男仔講笑話你“飲酒咁曳曳”，又係喇抽吓水姐，你又要寸鳩人。 真係唔明，乜寸人好威威架咩，值得你四處炫耀，我當花生食炸戇鳩仔，睇吓你幾時寸走晒啲frd。 我以前都以為自己同你一樣，因為我哋喺中學都係俾人杯嘅，但我後尾發現我哋係唔同架。我俾人杯，我會反省，改善性格缺憾，所以離開中學我就有返好多朋友。但你唔係，你俾人杯，你會好憤世，覺得全世界有問題，you are always correct，所以咪到而家都成日得罪人多稱呼人少囉。 佢真係無朋友架，我唔係吹水。嗱膚淺少少舉個例，fb 咁都朋友，post 張相假假地都有十零個人施捨個like 掛，但佢啲posts 長期少過10 likes。連J 圖，著晒bikini 露晒胸都得7 個likes，連狗公都唔蘇你，係咪時候反省下自己性格有問題呢？ 完。多謝大家睇到哩度。 From 薄扶林大學 (HKU) ==================================================== >> http://bit.ly/sharesomething \u003C\u003C 歡迎你向我哋訴說心底話/發表偉論/純粹9up/爆料/尋人求偶，圖文均可

from HKU Dry Club http://ift.tt/1iXMdDK

via IFTTT