Non-love story #6040 [hehe好坎坷#2] 見到好多人見到我打既文字都有回應有d驚訝 本身只係打算打出黎呻下 冇諗到有咁多人回應 首先第一個考緊dse既同學仔 我同你都一樣 身邊既人都好抗拒同性戀(包括教會、朋友同家人都係) 所以我一定唔會向任何人出櫃 或者依d都係我地唔會出櫃既人既苦處 冇可能係人前做真正既自己 現實就係咁殘酷… 但你準備考dse喇…都係放返多d時間係讀書上 專注眼前最逼切要完成既事先喇 加油！ 第二個係poly既朋友 你同我打既都好相似… 既然都知道自己冇可能搵到 所以有時我會諗 不如對所有人都保持一份距離 好似刺蝟咁 否則太接近又容易對人動情 最後受傷既都只係自己 我都唔敢對拍拖有憧憬 覺得自己已經好似將個心鎖左係一個唔見左鎖匙既保險箱 連自己都唔知道可以點打番開 只可以幾廿歲人都仍然ff一下自己會拍拖 加油 :) 第三個就快出到pool既朋友 首先恭喜你先 可以搵到自己鐘意既 對我就冇機會啦 係我第一個post太過自大 講到好多人讚自己靚仔咁 我對自己既評價係…唔失禮老豆老母喇 不過就算係唔係靚仔都好 對於唔會出櫃既人 又點會有人approach呢 因為對方都唔知你係hehe 就好似我地都知道鐘意直男係自殺既行為咁… 我曾經喜歡過既人 其實佢樣子都不討好 但又如何 都係個句 這些機會不是屬於我的 好好彩，你就快有一個到手 希望你地開心 因為真的唔容易搵到… 第四個寫左好長篇幅比我既朋友(#6010) 我都有上網搵過人傾既 都係大家熟悉既數字網 但畢竟我唔太願意將自己內心透露比人 加上我覺得個度既人 大多都好似對自己係hehe依回事好欣然接受左 所以我係個度不太活躍 同埋其實我未有你想像中咁負面既 :) 對於最後你講come out既事 我自己就諗都冇諗過 我將來亦應該冇可能會咁做喇 希望有日起身可以鐘意番女仔咁就好了… From 清水灣大學 (HKUST) ==================================================== >> http://bit.ly/sharesomething \u003C\u003C 歡迎你向我哋訴說心底話/發表偉論/純粹9up/爆料/尋人求偶，圖文均可

from HKU Dry Club http://ift.tt/1iXMdDK

via IFTTT