Non-love story #5904 [中共要香港卑躬屈膝，我們就讓牠見證民主的驕傲] 坦白講，公開試過五關暫六將，辛辛苦苦先上到大學，要罷課，分明就係拎自己前途校飛。 但問題係，中共每日不斷既壓迫，正將我地熟悉既香港不斷踐踏、不斷破壞，我地可能幻想過，中共會讓步，大家河水不犯井水，但人大既決定已經出左，事實證明一切都只係FF。唔做野，上面只會得寸進尺，將我地珍而重之既香港吞噬！ 面對龐大既中共集團，或者我地會無助，或者我地會無奈，但唔代表我地會束手待斃。作為知識份子，我地有義務、有責任為社會出力。1989年有一班赤子係天安門罷課；今日，生於呢個動盪既大時代，係時候到我地企出黎，挑戰既有既制度，向建制說不，向中共說不！ 無錯，GPA 的確係我地係大學要追既野，但無左香港，GPA 4.0又係D咩？中文大學(深圳) 甚至中共大學(香港)既沙紙，你想要咩？你要咩？ 罷課，唔係放棄前途，反而係為左捉緊、創造自己既未來。罷課與否係每個學生個人既決定，我地要尊重唔罷課既同學，畢竟有部分同學係家庭唯一既經濟希望。但係，我懇請每一位大學既朋友，請你地仔細諗清楚，嘗試參與呢一次罷課既行動。因為一百人罷課係無意思架，唯有一萬、二萬人罷課，政府先會望清我地對民主既決心，多年黎一班抗爭鬥士既心血先唔會白費。故此，我再次懇請懇請各位，唔好再做free rider或者鍵盤戰士，大家一齊為香港、為民主，企出黎罷課吧！ From 馬料水大學 (CUHK) ====================================================== 歡迎你向我哋訴說心底話/發表偉論/學術研究/純粹9up，我哋嘅admin會親自回覆你 [圖文均可] ==> http://ift.tt/1sIOKWB

from HKU Dry Club http://ift.tt/1iXMdDK

via IFTTT