Love story #5735 [有苦,只有自己知?] 我系基督徒,自細都跟父母番教會,神既愛令我好感動 上到黎大學,識左一個男仔,好champ好玩得都系基督徒,重系A0 我中意左佢好耐,但系我吾敢表白,只系維持好朋友關係 或者你地會問,大家都有共同既信仰,點解吾敢去試下? 因為我都系男仔 好細個果陣已經發現左自己系中意男仔 但系從來都冇同人講過,更加吾敢同教會既人講,因為一講出黎一定會比人公審歧視 "親男色"好似系一條大罪 但系聖經又話我們愛因為神先愛我們 我覺得好難受,好矛盾 尼件事亦都系我每日祈禱既一部分,但系只覺得每日都受到良心責備 幾年之前中意左教會一個男仔,吾知佢系米feel到,佢後來避開左我 番到屋企我完全崩潰左,喊左好耐 眼見到其他教會fd開始大膽去追女仔,到出pool,到帶埋女朋友番教會,甚至教會內出pool 我個心就更加沉 我都只系中意人o者,點解我就吾可以... 我都想去追,想出pool,想搵一個寄託o者,點解人地叫愛,我就叫罪... 每次見到果個男仔,我會心跳加速好緊張, 同時覺得自己好羞恥 最難受既系佢有時會同我傾聖經,有時同我講佢中意女仔既野 而佢每一次甘做,我個心都會痛一下,但系又吾可以表現出黎 我好驚如果同佢表白,冇左既吾只一個朋友甘簡單 尼十九年黎我好痛苦,吾想違背神既旨意,但又想同自己中意既人一齊 難道我就冇權去愛嗎...? From 薄扶林大學 (HKU) ==================================================== >> http://bit.ly/sharesomething \u003C\u003C 歡迎你向我哋訴說心底話/發表偉論/純粹9up/爆料/尋人求偶，圖文均可

from HKU Dry Club http://ift.tt/1iXMdDK

via IFTTT