Non-love story #4359 [DSE監考風雲之二] "上次講到班考生開考前狂舉手要攞紙攝枱 好啦, 總算叫settle左 去到開考個刻都平平安安冇事發生 只見班考生望住份卷個樣慘過死老豆咁, 就知份野唔係易(至少對佢地黎講) 過左10幾分鐘, D人開始啓動作戰mode揮筆疾寫 我企企下行行下都覺得攰, 諗住坐低抖抖 一坐低個下, HI, 我負責個行有條友舉手 我行過去, 一路行一度諗緊好多個佢舉手既理由 張枱又搖? 出錯卷? 冷氣太凍? 想喺袋度拎文具? 隔籬位出貓? 想去廁所? 問我可唔可以教佢做? 想早退? 但我諗得太簡單, 太膚淺鳥. 佢咩都冇做, 頭都冇擰上黎, 口角只淡淡然吐出幾粒字: “我想加紙.” 咩話???? 加紙???? 開左考15分鐘咋喎???? 加紙???? 你一版寫一個字架???? 我真係俾佢兇左, 自問咁多年讀書考試生涯入面, 未試過亦未見過有人考左10幾分鐘試就要加紙. (見過既話就即管笑7小弟見識少吧) 於是我狂奔去攞補充答題紙又狂奔返去派紙俾個考生 就喺我派完紙俾佢個下, 枱頭一望, 突然又多左幾隻手舉起 我有個預感佢地又係要加紙…然後…我既預感毫無錯誤 隨後既十幾分鐘入面我就係不斷咁喺好窄既通道之間遊走派紙 我冇數過有幾多個人加紙但係我很肯定超過半場人都有加紙 由此可見, 個問題好明顯係喺考X局度 我地班監考員都覺得好奇怪, 點解出埋啲題目係一定要人加紙先夠答 之後考完場試, 當然要研究下份浪費地球資源既奇卷 原來有一條半開放式題目suppose係可以吹好多野, 佔分都唔少, 即係應該要答到一定長度 但考X局俾考生寫答案個位得個幾行 個幾行下面其實仲有一大片空位, 好心佢就印多幾行, 咪唔駛嘥咁多張紙 雖然照道理只要係邊界之內既任何位都可以寫答案, 可以唔駛加紙 但學上次個post comment既巴絲話齋, 班考生緊張到死咁仲邊諗到咁多野 (真係有考生舉手問我空位可唔可以寫架, 仲要唔少人問添) 最後咪又要監考員滿場飛派紙囉 唔好講話行黎行去夠曬攰, 不斷喺啲考生身邊走黎走去, 嘈住佢地答卷, 都夠晒disturbing啦 呢份卷真心fail 好似有啲長, 又係打住咁多先, 睇下有冇時間打另一科既奇聞" From 薄扶林大學 (HKU) #講起我就扯火, #奇聞 ================================= Dry Club Official Member recruitment + Our first privilege for you! **Our membership is free of charge!** Party + Free Membership ==> http://bit.ly/dryclubparty Free Membership only ==> http://bit.ly/dryclubmember

from HKU Dry Club http://ift.tt/1iXMdDK

via IFTTT