HKU Dry Club. Since 2012.: Non-love story #4330 [DSE監考風雲之一] "話說小弟因緣巧合之下做左今年DSE既監考員監考過幾科主科雖然得幾日, 但當中經歷已經夠曬令人回味你可能會問 “而家DSE都考曬, 好多考生都吊吊fing咁等放榜你唔好等到出年佛誕先黎講番??!!!” 哈, 我正正就係等到D野開始丟淡先黎講一黎可以喚醒各考生放假放到近乎冇晒既考試記憶二黎係過左風頭火勢先講有咩衣郁都唔駛lai屎三黎係, 我而家先得閒打番出黎呀大佬! 我第一次監考既一個主科, 個日其實都幾緊張不過諗起以前考CE AL個D監考員咁他條, 應該都難我唔到既點知班考生一入試場就出事, 佢地坐低冇幾耐就個個舉高晒手. 個陣時離開考仲有成3個字, 個主考官又一句野都未開始講心諗你班仆街集體舉手做乜撚野????? 大家考過試都知, 一個試場幾百個考生先得個7、8個監考員我地班監考即刻9衝去D考生度問佢地做乜事點知…佢地…原來…係想………. “我覺得張枱好似郁郁地呀.” FFFFFUUUUUUUUUUUUUUUUUCK! 你想我點????你想我點幫你????同你換過張枱????換過個位????俾你去特別室(which is冇)?????同你講話唔駛考?????俾你拎份卷番屋企考???? 當時我見到場內其他監考員都好似唔知點算咁(梗係啦一睇就知大家都係生手) 都係個經驗老到既主考官好野, 班蠱惑考生一豎起條尾就知佢地想點. 佢一副你嚇我唔撚到既樣好冷靜咁俾左疊硬卡紙我地, 叫我地俾班考生. 然後我就好似女神派好人卡俾兵仔咁派D卡紙俾佢地. 頭個一兩個考生我派個時仲幫佢地攝埋枱腳, 派好人卡的我都不禁覺得自己實在太好人不得不提既係, 好多舉手要卡既考生其實張枱根本就郁得唔勁, 甚至係郁都唔郁 (通常派卡紙前我會按下張枱睇下係咪真係郁因為卡紙數量有限) 另外就係D人唔知係咪真係讀到痴q左線, 連攝紙都唔識攝撚錯曬於是乎我就見證住好多人攝完紙之後張枱仲郁得勁過未攝我諗起以前考公開試會自己帶定D白紙, 張枱一郁就自己攝枱腳同埋我好深信亦好清楚一個人專心做卷既時候根本唔會受張枱郁唔郁影響所以當刻見住班DSE我只諗到3隻字: 賴地硬. 要數監考奇聞, 簡直多到加十幾廿張補充答題紙都寫唔曬雖然好多事都係雞毛鴨蒜, 但絕對件件都係奇難雜症. 打住咁多先, 遲下再打多D" From 薄扶林大學 (HKU) #講起我就扯火, #奇聞 ================================= Dry Club Official Member recruitment + Our first privilege for you! **Our membership is free of charge!** Party + Free Membership ==> http://bit.ly/dryclubparty Free Membership only ==> http://bit.ly/dryclubmember