Non-love story #4217 [就算花光心機守每一個諾言,最後誰又會可憐?] "A1 M Ys/No 我本身係一個好重視承諾既人 中學開始有自己既價值觀開始就已經係咁 無論朋友之間又好,戀人之間亦好,屋企人都係,當然亦都包括自己對自己 無論有幾大幾小既事都好,只要我應承左人,我就會盡最大努力做到 如果做唔到既事我係唔會應承人,同時唔會向人提出承諾 中學果時,曾經試過同個朋友約定大家生日要交換禮物 最後因為佢生日果排我太忙太多野做,最後唔記得左 佢亦都冇特登提過, 到而家我一直喺心人面有條刺 縱使我己經同佢疏遠左 到而家我都仲係覺得唔多舒服,但係又唔想主動聯絡番佢,同佢提起番件事,反正佢都應該唔記得左 後來拍拖, 同女朋友做左好多唔同既承諾 喺我地都等緊派grade既時候,我因為某一科好驚會食屎,同佢呻左好耐 同時佢亦都好擔心自己成績,所以同我講""如果佢過到3,我又考得好的時候,互相比樣獎勵大家“ 最後,大家的確都考得唔錯,但係反而佢冇再理過,可能佢覺得講下笑啦...不過我係認真 誰人又相信一世一生這膚淺對白? 我,一直都相信。 喺跨年果日,我有問過佢你肯唔肯陪我過一生一世 當時我地都好天真,以為應承左對方,就真係可以做得到 我一直都好努力咁去達成,去維繫 最後可能雙方都有問題,之後好快就散左 但係我到而家都仲好努力咁達成我之前應承過佢,同時應承自己 ”今個sem要好好讀書,MATHS唔可以死,maj自己最想讀果科”依句說話 佢走左之後一排 喺Midterm出Math grade果日我望住個result呆左,真係考得太差,我差D喊出黎 唔單只因為成績問題,而係我覺得自己未必達成到我應承自己既事 同時未必達成功唯一一個我仲有能力去達成既同佢既承諾 喺果刻,我WHATSAPP我個fd知我考得好差既時候 佢第一件事就同我講""唔緊要啦,黎緊仲有Final.我陪你一齊操數,一齊溫書.唔洗驚“ 當時真係好感動,有股想攬住佢既衝動,可惜佢唔喺我身邊 我同個fd其實之前都有應承過對方唔同既事 但係一直都冇乜點做過(其實因為佢太忙) 就好似之前我講過,我好重視人與人之間既承諾 直到後來有日我同佢因為一D事而產生左D問題 果刻我將對佢一直應承左都冇做過(覺得佢唔重視我地之間既約定)果種怨氣發晒出黎, 幾日冇應佢,仲對佢變到好冷淡 (其實果件事之後佢對我都對我冷淡) 自始我就同佢越黎越疏遠 曾經有試過努力同佢修補 而且同佢講過我其實因咩事而變到對佢咁 但係始終都係唔得,而家越黎越遠 或者永遠唔會變番之前咁 到底係咪我太重視人與人之間既約定,承諾？ 反正永遠著緊既都只係我 到頭來唔開心既又係我... 到底喺依個年代,約定同承諾仲有冇用？ 真係好想番下去古代睇下D人係咪全部都駟馬難追,講到做到 定係其實只係我一直都on99覺得自己咁做 唉 Sorry for Ex7remely 1999" #FF, #求意見, 做人處世 ================================= Dry Club Official Member recruitment + Our first privilege for you! **Our membership is free of charge!** Party + Free Membership ==> http://bit.ly/dryclubparty Free Membership only ==> http://bit.ly/dryclubmember

from HKU Dry Club http://ift.tt/1iXMdDK

via IFTTT