Love story #4135 [如果你真係愛你既男朋友, 請你尊重佢既嗜好!] "Final Yr O2 男 有/有 真心, 我又唔係殺人放火, 又唔係姦淫擄掠, 又唔係出去玩女人。 你可能唔鍾意我既嗜好, 但係你唔可以唔尊重佢地! 自己鍾意去影相, 影吓風景, 夜景, 咩都玩吓。有時一個人影, 有時一班朋友去影。 有時都帶埋女朋友去影, 好想同佢Share一D靚野, 最重要係, 因為有女朋友一齊, 我覺得o個日影既野會特別靚... 一開始又話咁多嗜好好吸引, 又話多才多藝, 講到我識飛咁。而家拍拖又話我成日掛住去玩唔理你... 拍拖之後已經影少咗, 成日都要抽時間出嚟陪女朋友, 知佢忙好鬼多野做又呢樣又o個樣咁, 有時都要等到2, 3點先傾到個電話, 唔好話去影相, 連訓覺時間都唔夠, 不過你話想同我傾計我咪等囉, 女人係要就吓, 我覺得無問題... 有日影影吓相突然打電話過嚟又話得閒又話好想見, 明明之前o個日又話有project又話有meeting, 咁我見你咁忙我又考完試, 咪出去影相囉, 突然間o係荒山野嶺你打嚟話要見, 咁OK, 你都要比D時間我架, 你估我識飛咩...!? 一路趕返出嚟就一路話我掛住影相掛住玩唔理你...... 「都趕緊出嚟啦, 你仲想點呀!?」 「咁你而家姐係為咗部相機發我脾氣啦!?」 我X ! 已經趕到就死, 上氣唔接下氣仲話我發脾氣... 「信唔信我Delete哂你d相同整爛你部機呀嗱!?」 講到呢度即刻唔想趕出去, 我放低咗電話, 我無cut佢線, 但係已經唔想再同佢講野...... 如果一定要揀, 自我 同埋 愛情, 我揀自我就算...... 為咗愛情 我可以改變 但係 我唔會迷失 女朋友係重要, 但係有D嗜好, 都好重要, 你可以唔鍾意影相, 但係你唔可以唔比我去影... 完全係唔尊重...... 聽到佢話 「信唔信我Delete哂你d相同整爛你部機呀嗱!?」 個心真係灰到一個點...... 好似一盤冷水淋咗落嚟... 返到屋企發覺有好多Miss call又message...... 完全唔想理...... 原來拍拖就連影張相都唔得... 好似做咩都要你OK就可以做...... 其實係拍緊拖, 定係坐緊監...!? 拍拖係一件事, 我都有我自己既生活, 你都有你唔得閒既時候。 o係你唔得閒既時候, 我都好想見你, 係部相機陪住我... 你憑咩剝奪我既生活!? 再者咁樣一句車落嚟, 灰咗之餘, 真係醒咗... 我地拍拖既日子, 究竟我得到咗d咩野...... 我真係答唔到...... 我淨係知道 因為你, 我既生活出現咗好大既改變... 而你既生活, 其實同識我之前根本就無咩分別... 拍拖要遷就, 我明白, 我都有努力去做。 你話好忙要好夜先可以搵你, OK咁我等。其實要夜晚訓咗o係張床等你電話, 無野做又唔可以訓, o個種覺感真係好難受...... 不過你話想同我傾計, ok fine, 咁我等... 約咗你食飯突然又話有野要做嚟唔到, 要推遲, ok咁我等夜d囉。你又話想陪吓我, 咁咪買埋飯上嚟你屋企食囉。我就對住你, 係就對住個mon係咁做做做, 其實個感覺真係好On居...... 有時同你Facetime, 就係望住你o係度做其他野, 可以完全唔理我咁...... 真心灰, 不如你print一個一比一既我既紙板公仔出嚟, 棟o係你隔嚟咪得囉...... 我o係你隔嚟既時候, 你有無唸過要理吓我? 呢幾日同女朋友冷戰, 講真我真係覺得好輕鬆, 可以重拾返以前既生活, 終於可以早返好多訓覺, 終於可以好精神咁起身。可以做返好多自己鍾意做既野, 去邊度影相又得, 去到幾點又得, 唔洗成日又報到又check message, 成日驚miss call, 排除哂呢d煩惱真係好...... 正因為呢幾日冷戰我並無任何hard feeling, 我真係猶豫應唔應該繼續同呢個女仔一齊......" From 薄扶林大學 (HKU) #講起我就扯火 ================================= Dry Club Official Member recruitment + Our first privilege for you! **Our membership is free of charge!** Party + Free Membership ==> http://bit.ly/dryclubparty Free Membership only ==> http://bit.ly/dryclubmember

from HKU Dry Club http://ift.tt/1iXMdDK

via IFTTT