長途挑逗 #8 - Storyteller 馬交文 五月尾，正當我搵緊暑期工，打緊求職信既時候，電話盞紅燈又閃下閃下。 Celia: the cookies taste good! 馬交文：you ate them all? 馬交文：Ho fei wor Celia: no la! My mum ate a lot and asked me where we're the cookies from Celia: she is the fat one Celia: btw your theory is not valid, you spell hoegaarden wrong 仆街，乜有兩個A嫁咩？屌。原來一直以來最撚柒係我，唔怪得知好幾次講比朋友聽佢地都笑而不語。不過，佢記得我講過啲乜，都唔係壞事。 馬交文：perhaps I should drink it next time to remind myself it's spelling Celia: you totally should! When we were working tgt you always typed things wrong 我醒起下個禮拜舊division約食飯。 馬交文：hey you going to the dinner next week? Celia: don't know yet... Let you know later 我放低手機，繼續做野。跟住幾日，我都無收到celia既whatsapp。 我係佢邊位？佢駛乜同我交代？咁緊張做乜姐？諗到呢度，我知道我唔應該走去問celia。 「你認真send野嫁？whatsapp就輕鬆啲啦。」我好記得呢句。 時光飛逝，轉眼就去到下個禮拜。從來入西環對我黎講都唔方便，約九點半食飯，我九點九先落到車。 「喂馬交文！」「喂，點呀你...」 去到又少不免寒暄一番。究竟人地對我既近況有無興趣，我真係無從得知，大概大家都係形式主義既信徒。 不過，我有興趣嗰位，卻未見人影。 好多時，見人幾十幾百，想見既，只有一兩個。我地都需要籍口去見面，哪怕換來既只係一個點頭，一個微笑。 突然間，我電話響。一聽，係celia。「你到左未呀？我塞車呀。」 「到咗啦。」我答。 「幫我留個位。」我望望右手邊既空位，擺咗我嗰袋上去，同celia講：「嗯。」 「我十分鐘後到。」 正當大家都係度傾計既時候，我卻一直雲遊太虛。 花樣年華入面有一句：那是一種難堪的相對。對無勇氣既人黎講，接近每一步都需要小心翼翼。但係，機會唔會等我慢慢禁向前行，人既耐性始終有限。 究竟對celia我想點？我應該點？ flirt只係拖延時間。飲過一大杯藍妹，我都搵唔到答案。 「喂馬交文。」celia擺低我個袋，坐係我隔離。「hi。」我應佢。 成餐飯我地無講過野。大概在座無人知我同celia禁熟。唯一既接觸，只有大家嗌飲勝既時候，我隻杯撞到佢隻杯。 散席，有人話去clubbing，有人話去打牌。我仲未諗好去邊，褲袋部電話就係度震。 Celia：I wanna drink.tgt? ================================= Dry Club Official Member recruitment + Our first privilege for you! **Our membership is free of charge!** Party + Free Membership ==> http://bit.ly/dryclubparty Free Membership only ==> http://bit.ly/dryclubmember

via HKU Dry Club http://ift.tt/1h5oQKK