Non-love story #5088 [NGOH HAI YAT GOH ASSO MUI] "其實我都唔知有冇人會有耐性睇落去 不過如果有時間既 或下抽少少時間睇下我既故事 我今年22歲 話大唔係真係好大 但話細就一定唔係細 今年岩岩由asso畢業 但係係fb日日被洗板去提你 同我小學同年既同學就好多都今年大學畢業 記得有個po左500幾張包括遠鏡近鏡大頭細頭有捧花冇捧花既 album名寫住what a wonderful year 頂你個大頭鬼真係what the...wonderful year 講番轉頭 我係舊制既 姐係考過AL 第一年兩科1D 1E同埋中化E UE U 個陣喊左1日 然後諗住自修一年考番入大學 當時真係冇諗過其他出路 因為個陣阿哥又係自修一年入番 um 姐係同一年我AL衰左 阿哥入到 仲要係一科唔錯既科 咁真係冇咁頹 起碼阿哥比左個希望我 btw 佢一開始淨係肥左一科 其他都BBCC.. 但我完全冇諗到呢一層 淨係諗住本是同根生.. 應該結果差唔多掛 um.. 睇標題就知咩事 但呢個係後話 老實講 自修一年真係好似自閉左一年 你既中學同學一係繼續升學一係搵野做 當然 個陣都有幾個識但唔熟既人都係自修考多次 但自然就唔會有咩聯絡 慢慢地 你既生活只係見到屋企人 又或者只敢間唔中落街買野食既時候 因為你閒日落一陣街又好快咁番黎既時候, 又拎住個外賣盒 又咁唔好彩撞到看更或者隔離屋,甚至係樓下報紙檔既姨姨, 當你係等lift/身處同一架lift既期間 佢地總係會問一句, ""讀緊書定做緊野呀?"" 我個陣都淨係會答 ""讀緊書呀"" 原本好好地一個可以the end既話題 佢地總可以無限延伸落去 \u003C未完，但係打打下腳抽筋，so..to be continued...>" From 其他 ================================= Free Membership ==> http://bit.ly/dryclubmember 請按"Like" -> 按"Get notifications" 緊貼 HKU Dry Club Updates 對抗Facebook進一步限制page reach

from HKU Dry Club http://ift.tt/1iXMdDK

via IFTTT