Love story #5082 [個男仔係咩意思？] "A1 係琴晚，我上車見到個男仔玩住ipad撘巴士，我係眼角睇到個奇怪男仔係坐係我左邊再後面個張櫈（入面個個位）。咁出於好奇心，我就望左過去，點知！！比我發現原來佢條褲太鬆露左半條粉紅色花花邊底褲出尼，上面仲有隻綠色既hello kitty（正常kitty應該係白色）當我正想笑個時，個男仔突然舉起左個頭望左過黎，同佢有左眼神接觸。費事笑出聲尷尬我就dup低反個頭玩手機 之後終於忍到落車，點知落車同佢同一個站，落車之後本身我行後面，見到佢條底褲係我眼前，我真係忍唔住笑，唯有拎個電話出尼扮傾住電話，一尼扮傾偈邊偷笑，二尼就間唔中講下關於hello kitty呢D字眼，希望佢發覺掩番住隻綠色既hello kitty，但佢一直無發現。行行下，我過左佢，但就係我過左佢之後，我另轉頭望過去，諗住做口型話佢知，但佢好似以為我想偷望佢咁所以無望我。之後我另轉頭多幾次，有一，兩次佢有望我對眼，結果係同佢有眼神接觸，可能係我太迷人啦，佢只係望我對眼無望我個口型。 之後為左令佢知道咩事，唯有做得奇怪Ｄ啦，我用右手高條背心連身裙，我見到佢當場嚇左一嚇，其實我入面着左條短褲，我用手拉左條褲幾下，希望佢明白我係叫佢掩番好隻綠色hello kitty底褲，之後繼續行。我希望佢明我咁做係有咩意思啦...我諗佢唔會以為我係想廖佢掛... 之後我再另轉頭望過去，比我再發現原來佢未拉褲鍊....我仲見到有條毛露左出尼....等等....毛又好似粗左少少，而且條毛係肉色既，不過我唔知係咩尼，有次係彎位我另轉頭望突然諗到個方法，我係彎位直行左出馬路再入反行人路，希望話佢知佢有野露左出尼，之後再另轉頭向佢示意 跟住到屋企樓下，原來佢同我同大厦，仲要同，我入就收線，你知啦入到去收唔到訊號，扮傾電話都唔可以扮得咁假。入左之後我望住佢想話佢知，我睇得好清楚佢係到扮正常咁向前望而佢條毛好似粗左少少，但都係好似針咁粗，應該係幼少少，我唔知店解毛可以變粗變幼咁得意，可能係我無讀bio無學過啦，之後我向佢個邊移左一移，因為我見到我右邊扶手有隻曱甴，但佢好似死左，如果唔係我真係會叫出聲。而我入個時發現佢胸前兩點既位置好似有Ｄ白色既野，好似佢漏左奶咁，我諗緊佢係咪變態佬尼，專登做呢Ｄ野尼引我注意，但我堅持一定要話佢知佢隻green kitty，條毛同人奶露左出尼，我只好拉下我條裙胸對上個度（緊係領尼架啦！！）（個領都幾低下？！你傻架？唔通夏天大熱天時着高領？），作為變態佬佢繼續向前望但佢條毛郁得好利害，我開始驚，覺得奇怪，我唔敢再望佢，我驚佢會對我出手，我ｆｅｅｌ到佢眼角不停咁望我，我即刻好驚，我好自然咁拉左自己條領好幾次。另外為左唔好露咁多令佢獸性大發，我搞左幾下條褲，希望唔好露咁多肉出尼。 之後我就係佢樓下個層出左，因為佢全程向前望，佢應該唔係好清楚我其實偷偷地禁緊９９９ 個男仔露底，毛同漏奶，呢d野到底係咩意思？我同佢有好幾次眼神接觸，好似feel到佢精神有d野，我係咪應該報警？" From 清水灣大學 (HKUST) #奇人奇聞 ================================= Free Membership ==> http://bit.ly/dryclubmember 請按"Like" -> 按"Get notifications" 緊貼 HKU Dry Club Updates 對抗Facebook進一步限制page reach

from HKU Dry Club http://ift.tt/1iXMdDK

via IFTTT