Non-love story #3444 [sf這一個身份，在我心裡面很痛] "請admin post 出來，其實無咩嘢，只不過想借呢度分享下我的故事，一個與愛情無關，只是失敗的我的故事。 先問問睇到呢段嘢的各位，究竟SF degree 的學生有什麼錯？可能讀緊書的各位，覺得無咩問題，但係某些老一輩的人來睇，sf=讀高價書，好似永遠也比不上一個普通的ugc 學位。 先交代下我個背景，我今年year1 ，記得大半年前的DSE，我考出來的分數，入ugc 差小小，讀sf degree 有餘。記得當時我喊得好犀利，印象中我係第一次係Fd 同老師面前喊。大部分人都唔相信我考得咁差。呢d 都係其次，阿爸阿媽知道我考成咁之後，亦都大發雷霆，話我唔比心機讀，其實我都明白ge，自己屋企又唔係有錢，全家人的希望都係我身上，佢地希望我入到八大，畢業搵分好工，改善一家人生活。結果，我係入到八大啊，不過係教院 sf 咁解lor。 記得放jupas 個日，我同屋企人八點幾就等係部電腦前面，希望我是但有個offer都好啊。結果，估到啦，咩都無。當時的情景我都今日都仲記得好清楚，阿媽一見到我無offer，瞬間腳軟跪咗係度。我自己當時都腦袋一片空白。到今日睇翻呢件事，我除咗苦笑，更多的係痛，比刀割般痛。 之後一日，我反復思考，問咗中學老師意見，覺得我咁ge分數，不如retake一年，都幾大機會入返ugc。但係問題來啦，屋企人好強烈反對我retake，理由係唔想一年後再受打擊。我當時，甚至宜家都覺得，retake我好有機會入得返ugc。但係父母一再反對之後，我最終被逼去咗九龍塘報ied sf，而我個分數，都夠入去讀sf。問題來啦，sf的學費唔平，我家境真係唔好，要靠關窿支持我去讀。我同我自己講，點都算係個degree啊，而且係教院，我唔刻意講，假假地都係八大啊。但實情係，好多方面都有分別，而且阿爸阿媽又成日提住我讀sf呢個事實，最好的fd 又入咗三大，你可以話我自卑，有時聽佢地講起u life 如何精彩，表面我好似好開心咁，其實我心入面係苦澀。我自己卻背住一身債，更加重要的係，原來身邊的同學，不少人都想通過retake1科兩科dse 然後就走。而且，我唔甘心，無論身邊的朋友，甚至表哥表姐，全部都讀緊8大。有時候同親戚食飯，我連頭都抬唔起。更加重要係，阿媽本身已經有情緒病，我入咗sf之後，佢病情更加嚴重，隔三差五就發作，係咁罵我，話我唔生性，要跳樓之類的說話。睇到佢咁我更加心痛，更加自責。 係呢一年入面，我表面睇落好好，無咩嘢咁，但係每一晚我都失眠，自己一個的時候，我會不斷胡思亂想。究竟個天點解要咁對我啊？一個dse 姐，一個ugc ，搞到宜家咁樣。 所有以上的嘢，得我自己知道，我無同人分享過。今次打出來，係希望發洩出來，我都知道我好負能量。希望各位指點迷津下我，等我好過d 。" From 大埔女校 (HKIEd) #純粹分享 ------------------------------------------------- Love stories (交文) - http://bit.ly/dryclubstory DSnap! (交圖) - http://bit.ly/dryclubphoto 仲等乜？FOLLOW HKU DRY CLUB INSTAGRAM ==>> http://ift.tt/1fAxES7

from HKU Dry Club http://ift.tt/1iXMdDK

via IFTTT