Love story #3565 [下一站彩虹] "O1 “下一站彩虹”，相信對大部分清水灣鄉里嚟講，呢一句並唔陌生。而我同佢，就係地鐵到認識。心繫每一程嘅港鐵令我哋跨越零的界限。 朝早地鐵車廂逼ge程度比年三十晚嘅維園年宵有過之而無不及，而且係剎車掟彎果陣，唔少乘客都會左搖右擺，甚至失去平衡。呢個sem，我同佢都要上一堂9點鐘嘅common core。因為咁，開sem果陣，我同佢一齊逼上左同一架前往彩虹嚟列車。 細佬我家住石硤尾，而佢係九龍塘上車。果一日我企左係一個近門口嘅位置，而佢就係九龍塘站逼左上車，企起我面前，一路聽歌一路玩whatsapp。雖然佢唔係好靚好靚嘅女仔，但係佢青澀嘅面孔同一把烏黑嘅秀髮已經係果一刻吸引左我。 就係列車係樂富突然剎車嘅果一瞬間，因為佢太過專注係手機到啦，而且佢冇捉住扶手，所以佢失去平衡，撞向我胸前，右手仲要不經意咁捉住左我一下，呢種情況我同佢梗係覺得尷尬啦，啦所以佢即刻講聲唔好意思，之後後退一步。 到左彩虹果陣，唔知係佢大頭蝦定點啦，佢跌左個銀包落地下但係佢自己都唔知。我汁番起果陣，佢已經消失係人群入面。但係亦因為咁，我知到左佢全名，咁去ust得2個途徑嘅姐，一係巴士，一係小巴。我係巴士站搵唔到佢，自然就去左小巴站搵佢啦，我見到佢不斷係自己個身上搵個銀包係邊，顯得非常無助。 就係呢個時候，我將佢個銀包伸到佢面前。佢當然好感激我啦，仲話要請我食飯添。其實，我就覺得汁到銀包交番比原主，就好小事姐，所以我就婉拒左佢啦。 點知上到小巴果陣，成架車得番一個位，就係佢隔離。可能呢啲就係緣份啦，咁我冇理由唔坐係佢隔離嫁嘛。就係咁我哋就交換左contact，同埋知道大家都係上同一堂九點堂。 果一堂落堂之後，我同佢都要到下就先有堂上，所以就一齊係大堂(atrium)到”fing”。果時咁啱遇著promotion period，有個soc派珍珠奶荼，而佢又想飲，但係要先用三枝飛標飛爆兩個汽球。對於讀physics 嘅我嚟講，計一計牛頓力就輕易掟爆晒三個波啦。所以，識讀一定讀physics，一杯珠奶就""tum”到女仔開心(這不是重點)。 自從果日起，我同佢就成日一齊番學、食飯、搭地鐵。久而久之，我就同佢開始左啦。雖然，我同佢間唔鐘都有啲小磨擦，但係我覺得佢就係我生命中嘅唯一。 All in all, 我想講嘅野係，其實緣份呢樣野真係好玄妙，話嚟就嚟。所以呢，咁多位仲等候緊嘅朋友千其唔好任由機會擦肩而過~_~ sorry for 1999" From 清水灣大學 (HKUST) #勵志 ------------------------------------------------- GPA T-shirt ordering ==>> http://bit.ly/GPAshirts 仲等乜？FOLLOW HKU DRY CLUB INSTAGRAM ==>> http://ift.tt/1fAxES7

from HKU Dry Club http://ift.tt/1iXMdDK

via IFTTT