Love story #3509 [溝女既問題] "簡單講幾樣野： 1) 愛情冇得強求..有D人以為，啊我見到個女仔好似好鍾意hello kitty，等我都扮到好鍾意，狂post下hello kitty引佢注意。其實女仔係你扮任何野之前已經打左你分，Friend zone定仲可以有下文，都係同閣下樣子、背景、最緊要係有冇chemistry/feel有關...唔公平？係唔公平架啦，愛情唔係好似讀書你拋多幾句書包就會有分加...何況一個冇經驗, 唔夠閱歷修飾自己既男仔好快就比人睇穿，是真合拍定投其所好好容易就知道..所以高手唔係獻殷勤，而是製造一種合拍既感覺出黎，係兩個人之間既拉扯中一時大力一時細力。所以同一個人相處其實係一門好立體既學問，唔係死chur就得.. 2) 呢個年紀既女仔唔多care好男人 ，準確黎講最理想係好男人但帶點壞。講到尾係因為忌悶。係香港已經夠慘仲要同個冇情趣，冇幽默感，唔跳脫既人相處比死更難受。所以你明白點解咁多D戴綠帽，好多都係因為第三者夠好玩、有新鮮感同刺激...有D壞既男人識得捉摸女人心理，唔係以為一味對個女人好係叫好男人..愛情中間需要好多調濟，少壞男人更懂點做.. 3) 真. 唔係關於真心，係真性情..好多人包裝自己既真心希望切合對方既期望，但其實對方根本唔知你有咩真性情..簡單黎講，即係女仔只睇到你獻殷勤個面，睇唔到你平時對外個面。係人都知道溝女個陣做／講既野有幾多％係假，平時既你先係真實。戀愛太多包裝都比人覺得無味同無聊.." #講起我就扯火 ------------------------------------------------- Love stories (交文) - http://bit.ly/dryclubstory DSnap! (交圖) - http://bit.ly/dryclubphoto 仲等乜？FOLLOW HKU DRY CLUB INSTAGRAM ==>> http://ift.tt/1fAxES7

from HKU Dry Club http://ift.tt/1iXMdDK

via IFTTT