Love story #3450 [女朋友和她的姊妹們] "男人同男人之間通常都會討論其他女仔，而女人同女人通常都會討論自己嘅男朋友。有時最令你煩厭嘅唔係自己女朋友嘅港女性格，而係佢啲所謂姊妹嘅挑撥離間同山埃愛情專業建議。 即係咁。我同我女朋友一向相處得好開心，啱啱過咗one year anniversary。最近佢無端端開始情緒唔穩定，開始疑神疑鬼，覺得我唔再鍾意佢/有外遇/冇鍾意過佢... 同佢傾咗好耐先知，原來佢嘅所謂好姊妹有佢哋拍拖第一日開始就係咁離間我哋兩個，每日都問""你男朋友有冇____""好似填checklist咁，三句唔埋兩句就話其實我覺得你哋分手好啲，仲係咁介紹筍盤比佢。 仆你個街，真係佛都有火。 我女朋友冇嘢衰，就係衰在太易相信人。你班女人，你又唔係我條女，憑咩話我對佢差？""子非魚，安知魚之樂"" 你又識唔識？ 學admin#1話齋，係咪一定要用直升機吊束花落嚟示愛先叫鐘意？我明白你哋可能係出於對我女朋友嘅關心先會係咁疏擺佢，但你哋有冇諗過你哋呢啲咁唔負責任嘅建議最後真係搞到我哋分咗手，你冇咩損失但對我哋影響好大？你俾完所謂濕九建議拍下籮柚走人但我就要善後慢慢開解我女朋友果陣你哋又喺邊？你懶係好心咁問佢呢樣問佢嗰樣其實令佢好煩好失落你又知唔知？ 收手啦，我同我女朋友啲嘢真係唔_關你哋事架，你哋咁好心畀建議我女朋友之前諗下自己點解未出pool，顧掂自己嗰範先啦。 揀到個幾好嘅女朋友都冇用，女朋友有咩類型嘅姊妹無得揀。 Sorry for 1999 求各位大大分享對付姊妹方法 " From 薄扶林大學 (HKU) #第三者, #講起我就扯火 ------------------------------------------------- Love stories (交文) - http://bit.ly/dryclubstory DSnap! (交圖) - http://bit.ly/dryclubphoto 仲等乜？FOLLOW HKU DRY CLUB INSTAGRAM ==>> http://ift.tt/1fAxES7

from HKU Dry Club http://ift.tt/1iXMdDK

via IFTTT