Non-love story #4975 [多少人在跟紅頂白] "今朝睇完場決賽 訓醒之後 心情仍久久未能平復 皆因見到d人跟紅頂白 個心好唔舒服 德國同阿根廷係世杯既比賽 每邊我都睇左三四場 好明顯德國實力好高 而且球員平均後生 體力爆發力都更勝一籌 捧盃可謂實至名歸 至於阿根廷呢 個個都話係一個打十個全team靠美斯 其他隊員打得差 水平低 係豬一般既隊友 然後又有人話 美斯係散步球王 場場都hea踢 甚至連決賽都hea 完全冇盡過力 輸左場波拎左金球都笑唔出 係冇體育精神既表現 冇資格做球王 究竟呢個世界發生咩事呢? 點解香港人永遠中意做專家 中意批判? 一隊唔盡力踢既垃圾球隊 有冇可能踢入決賽? 一隊一人球隊 有冇可能係113分鐘先失波比德國隊? 一個足球先生 有冇可能係全世界既目光 全國人民既期望之下 都唔盡全力比賽? 金球獎佢值唔值得拎我唔評論 因為我冇睇晒咁多比賽 但個人榮耀永遠唔及團隊勝利重要 換著係你 你會唔會笑得出? 各位忽然專家 我想講 冇人有資格去批評一隊國際球隊唔盡力 或者係垃圾 講野唔該經下大腦 唔好跟紅頂白 贏波就捧上外太空 輸波就一沉百踩 每一個係球場上盡力既球員 每一隊體現出團隊精神既球隊 都值得我地尊重 Good game Germany and Argentina!" From 薄扶林大學 (HKU) ================================= Free Membership ==> http://bit.ly/dryclubmember 請按"Like" -> 按"Get notifications" 緊貼 HKU Dry Club Updates 對抗Facebook進一步限制page reach

from HKU Dry Club http://ift.tt/1iXMdDK

via IFTTT