《關於放榜，我想說的是...》#23 [中學CHEM = 大學CHEM??] "我係一個升Year 3讀CHEM既學生，以下既野係想比想讀CHEM OR 當CHEM係水泡既人睇。 如果有同學仔因為覺得自己既中學CHEM考得幾好，所以想入U讀CHEM，而唔係真心鍾意CHEM既話，我強烈建議你地三思。原因係： 第一，DSE既CHEM其實係AL既CHEM既2/3 左右，而你地冇讀果1/3 係大學CHEM既基礎黎，所以你預左Year 1 入去係讀番D AL 野。你可能會覺得:「好正常姐，大學4年制就預左咁嫁啦。」但係呢1/3 既知識係好難，而且將來會成日用。AL 學生用2 年時間去consolidate呢D知識，但你地係大學讀，淨係得13 個星期渣......加上大學好興ON _ _ 咁要你讀埋D 廢到爆既GE Course，令你溫書既時間少上加少。如果呢D知識讀唔好，遲D讀番D 大學CHEM就更辛苦。 第二，你以為大學CHEM既Calculation係D加減乘除數? 哈，少年，你太年輕啦。什麼In同D，仲有咩Matrix，你預左一定要識。有興趣睇下大學CHEM 既數既基本野既，就去GOOGLE 一下咩係schrodinger equation啦。 第三，其他U我唔知啦，Poly既CHEM就多LAB 做既，全盛時期可以14個星期內(一個學期) 做10分REPORTS! 如果唔鐘意做實驗既同學，就考慮其他U 既CHEM啦。 第4，如果冇興趣或者當CHEM係水泡同學仔，真係要諗清楚。如果你唔鐘意CHEM，讀起上黎真係好辛苦。我有D大學同學，中學CHEM超勁，但佢唔係太LIKE CHEM，所以成績真係麻麻。 第五，呢句係比D 想讀Science既同學既，係大學讀Science，想要好成績，真係要出盡奶力黎讀，要學期初就要入圖書館溫書，臨急抱佛腳一定GG，真係好似一個學期考一次DSE咁。唔似得D 商科咁(其他U唔SURE)，我有個同學既roommate係商科人，EXAM Period前一個星期晚晚煲LOL，GPA都輕鬆過3，但係Science仔，SEM頭爆到SEM尾，可能GPA都係過3多少少(UNLESS 你係醒目仔或者日日通頂溫)。所以，懶人就唔好讀Science啦，除非你係想有個學位就算果D人啦。 「毒_MODE」雖然Science係好CHUR，但係真係幾有趣既。有D中學死記硬背既知識，大學係有得解釋。如果你鐘意了解大自然，真係可以考慮下讀Science。 最後，希望我既意見有用啦，同祝DSE同學仔，入到好U啦。" From 紅磚大學 (PolyU) #Good Luck ================================= Free Membership ==> http://bit.ly/dryclubmember 請按"Like" -> 按"Get notifications" 緊貼 HKU Dry Club Updates 對抗Facebook進一步限制page reach

from HKU Dry Club http://ift.tt/1iXMdDK

via IFTTT