Non-love story#5125 [家庭，人生煩惱，想搵地方抒發下] "拍過2次，無比人追過，唔重要 剛畢業 其實多唔多人同父母的關係唔好？而主因是因為父母之間的關係唔好。 雙親初中開始就關係唔好，我那時唔知係唔成熟定點，只顧打機唔理佢地，考完試就番大學。好像置家人不顧，雖然每星期番一次屋企。 母親總會抱怨父親唔理佢，唔關心佢。在我的角度睇，父親是不嫖不賭容忍老婆的，但可能少左d浪漫同唔夠細心。母親總是從小事中抓父親痛腳，撩起事端。 入左大學，三年都有宿，過左三年耳根清靜的生活，亦經歷過純愛和激情。 唔知關唔關屋企的關係事，我好依賴女友，好想同女友一齊有家的感覺，最後散了，壓力太大吧… 回到家中，我受不了 每次見到咁樣就會燥底，燥我母親冇事生非，燥我父親不會像我想像中那樣呵護心愛的人 聽到前女友的母親會在佢面前挑逗父親做愛，其實好幸福，好羨慕…雖然都有比佢挑逗，可惜此情不再。 我唔係冇試過心平氣和地跟父母親談，但就是不會聽，亦都唔會改，偏見太深。 我知道父母疼我，某程度上是為了給我更好的發展環境而開始爭執。 我自覺要求唔高，亦都好自私。衣食住行的物慾，父母都已經滿足到我，雖然我只對食的要求高。食過好野，可以說已經死而無憾。雖然死之前想去多點旅行。 我就是這樣無憂無慮，做廢青都唔會餓死。 見到沒有生活態度的父母親，母親將希望寄託在我到，我又可以將希望寄托到哪裡？叫我出來社會工作，穩定後結婚生仔的傳統思想。1.首先我沒什麼可實現的夢想，至少在香港是不可能。2.This city is dying 3.無喜歡的人，就算將來有，又很怕將來會像我父母那樣子 而且愛情是算計的感覺愈來愈強烈。為對方付出真心換來痛苦更多。對女友不理不採，更好留著她們。 總而言之，人生好像無什麼希望，又好辛苦。作為人生根本的家庭充滿吵鬧和不滿。憑什麼會對將來充滿希望，期望。 朋友只是人生中的過客，雖能讓時間開心一點地過，最後又會回到痛苦。 活著比死去要有更大的勇氣。但我無法否認 夢到死亡帶來的解脫的舒暢，對死亡的期望。不怕死亡消逝一刻的虛無。深信只是由有機物化為無機物的過程。失去知覺，只是永續的睡眠。 為了父母親不傷心，而不想死。如果父母親死了，煩惱好像會一消而空。 究竟世界上孤單一人的人，有什麼支撐他們生存下去。 我好似大學畢業先黎煩青春期會諗的野…… Sorry for so long and 1999" From 馬料水大學 (CUHK) #思念, #FF, #求意見, #奇人奇聞, #純粹9up, #1999 ================================= 求助，告解，9up ...... 寫得出就得 唔怕你1999 只怕你墨水唔夠 ==> bit.ly/dryclubstory (交文) 傾偈無圖無偈傾 不論係9圖深度圖自製嘅圖 ==> bit.ly/dryclubphoto (交圖)

from HKU Dry Club http://ift.tt/1iXMdDK

via IFTTT