Non-love story #5758 [香港摩門教徒之苦!!!] 唔知大家有冇聽過耶穌基督後期聖徒教會(摩門教)?就算冇聽過都可能見過啲着著白色恤衫心口有個牌識講廣東話嘅外國傳教士。之前同奧巴馬一齊競選美國總統嘅羅姆尼、Twlight嘅作都係呢間教會嘅教友。 我由細到大都喺呢間教會長大,父母都係教會成員,我一直都覺得教會啲人幾好,但我有唔少朋友覺得間教會有問題,我唔想佢哋帶有色眼鏡睇我,所以唔會同佢哋討論關於教會嘅事。 另外一件事就係關於搵對象,教會成日叫啲人同其他教友去聖殿結婚,其實我對本地教會啲姊妹冇乜興趣,外國嗰啲真係又靚又好人,但我通常都係同非教友拍拖,女朋友對教會冇乜興趣,但屋企人同其他教友一直"哦"我搵教會姊妹。其實搵到自己鐘意嘅人已經好難,我見好多條件唔錯嘅教友都係因為一定要搵教友結婚所以30、40歲都係單身。 ====================================================== 我哋嘅Freshman專頁，有齊你需要知嘅所有資料 ==> http://ift.tt/1uaqwqY 歡迎你向我哋訴說心底話，我哋嘅admin會親自回覆你 ==> http://ift.tt/1sIOKWB

from HKU Dry Club http://ift.tt/1iXMdDK

via IFTTT