Love story #5732 "O4 女 無/有 呢篇野會好長，但絕對係我心聲！ 我真係覺得我媽好過份！點解可以用錢同學歷去衡量我男朋友比吾比到幸福我？ 前晚我男朋友送我番屋企，好吾好彩撞到我呀媽！之後我媽好似審犯甘審，問人咩名幾歲電話住邊讀緊書定做緊野，我男朋友可能受公屋潮文影響，吾講佢住邊，只係講佢住邊區，但我媽堅持要知道佢exactly 住係邊，我有嘗試拉走我男朋友，但我男朋友覺得點都要見，依加走左去吾係辦法，之後我又繼續睇住佢地講講講。我係格離超級難受，就因為佢做緊野無讀書，佢就彈到我男朋友一文不值，又話要佢比空間我，我要學習。我收尾都忍吾住鬧番佢轉頭，但我男朋友推開左我叫我吾好嘈，之後就走左先。 係佢番緊屋企其間佢不停安慰我，仲話自己又係衰，無用，我個刻真係好難受，我覺得我媽完全傷左佢自尊，我根本做吾到咩。 直到今日，我媽又提番件事，我真係忍無可忍，佢所講既質素好只係有錢！我鬧佢有錢真係幸福？根本係佢自己貪錢！佢無否應，仲講甘你想吾想幸福呀？係呢刻我完全崩潰。 事實際係幾年前，都發生過同類既野，但說話無甘難聽，但講黎講去都係因為佢睇吾起我中學！睇吾起無錢既人！ 但真心講句我媽有咩資格去批評人，有咩資格話人地比吾到幸福我，我地都係住居屋姐，跟本無任何既資格去批評人什至要求人地既條件！ 我真係好憎好憎我媽，更加覺得好對吾住我男朋友，我諗佢都係第一次甘比人踩，我可以點？ 求指點求安慰TT SORRY FOR 1999 +長文" #求意見, #講起我就扯火, #1999 ====================================================== 我哋嘅Freshman專頁，有齊你需要知嘅所有資料 ==> http://ift.tt/1uaqwqY 歡迎你向我哋訴說心底話，我哋嘅admin會親自回覆你 ==> http://ift.tt/1sIOKWB

from HKU Dry Club http://ift.tt/1iXMdDK

via IFTTT