[看誰能笑到最後] 利益申報先，我讀緊大家心目中嘅神科。 不過，無乜人知道，其實我係讀咗一年大家口中嘅頹科再用GPA報non-jupas入港大。 即係話，大家口中嘅天堂地獄我都試過。 或者係因為我比較特別嘅經歷，其實我好討厭神科頹科呢個分法，即使我而家讀緊所謂神科都係咁話。 如果用入學門檻嚟標籤一個學科，咁樣其實就係以入學成績將所有同學嘅大學生涯扣帽子，即係一碌鳩打一船人。 因為你DSE失手入咗engine，之後你個四年都會俾人話你係頹科，覺得你個人好懶，去function roundtable個陣受到神科人白眼，啲女仔睇你唔起。 因為你會考有25分入咗恆商放棄女色清心寡欲一味讀書，之後讀神科BBA Law，跟住即使你有幾懶GPA有幾低你都係一個人哋眼中好俾心機讀書好叻好醒目嘅神科人，仲會有好多女埋身。 呢三年大學生涯我遇過好多人，有師兄因為興趣渣住幾支A去咗讀所謂頹科，之後攞到scholarship去牛津深造，亦有神科人拎住神科個朵四處溝女最後GPA差啲唔過二。當然亦有無心向學嘅頹科人同好俾心機讀書又肯教人功課嘅神科同學。 喺放榜前夕寫呢篇嘢，目的係想大家喺聽日放榜知道其他人讀咩之後盡量放低有色眼鏡，因為無人知道邊個會笑到最後。 Storyteller 區林

via HKU Dry Club http://ift.tt/1okhPaj