Love story #4979 [精神出軌] "O1 有/有 有一個幾穩定既男友，大家都對感情認真，會諗住將來結婚一齊生活，到而家呢刻都認定會同佢過下半世。平時大約一個禮拜見一次，通常都係佢主動打電話/whatsapp比我就會傾幾句，目前算係細水長流咁。只不過，我真係比較飄忽，指既係好容易比當下既感覺影響，容易比感覺沖昏頭腦。相信大家同我一樣都會好容易對一個人有好感，但好多時都係止於好感，自己FF下。最近因為一D事，對另一個男仔A超出左有好感既地步，真係想試下同佢一齊... 係學校同一堆來自唔係同科既人去左個trip做volunteer work,十幾日入邊同groupmates同出同入感情好好。係做野既時候，比groupmate A既魅力深深吸引住，開始留意佢。佢性格又好，叻仔又乖仔，同我傾得好埋（雖然佢同大部分人都好傾得埋，但我就唔係，好難得有個咁傾得埋既男仔）。佢同我地講佢有個女朋友，之後有次得我同佢既時候佢講起女朋友，話佢地就嚟散，原因係唔夾，A自己又唔係好鐘意佢。之後最後一晚傾計既時候講起佢會去exchange，有大半年唔會見，我當場喊左出嚟。個下意識到，原來自己已經去到鐘意佢，唔捨得佢，好想成日見佢同佢講野既地步。 返到嚟香港，同A會keep住whatsapp，通常一開頭係佢有事whatsapp我，然後我就會借機聊開私人話題傾落去，佢都會一路覆我到瞓覺。男友方面，同之前一樣大概一個禮拜見一次，但而家個腦成日都唔係諗住男友，而係諗住A。我都有諗過係咪唔夠愛男友先會咁，但實情係，愛唔愛都好，D事耐左就淡左，不再係熱戀期但亦會繼續走落去，文章開頭都講過認定會同佢過下半世。而家每次同A whatsapp個陣都會好開心，個feel就好似當初同男友未一齊之前個段曖昧既日子，唔同既係個陣明知男友同我互相鐘意對方，而家就唔知呀A對我係點。 而家佢都就嚟走，我都唔相信係呢段時間我地會有發展，而且大半年後都應該會淡哂，睇下到時我係咪仲咁鐘意佢先再算。我諗住享受埋呢段時間既曖昧，然後佢走左之後慢慢回復返正常日子。不過話我FF都好，如果真係咁神奇地佢去exchange既時候都繼續搵我既話，我又繼續鐘意佢既話，我可以點做？ 另外我concern既係，將來可能又會有另一D男仔吸引我，同樣既情況再出現，到時又唔使分開，我可能會一路同呀B呀C繼續曖昧落去，咁我點做？" From 清水灣大學 (HKUST) #FF, #求意見, #愛情疑問 ================================= Free Membership ==> http://bit.ly/dryclubmember 請按"Like" -> 按"Get notifications" 緊貼 HKU Dry Club Updates 對抗Facebook進一步限制page reach

from HKU Dry Club http://ift.tt/1iXMdDK

via IFTTT