Love story #4961 [點解?] "A2 Y/Y 我真係好辛苦,我諗真係就快崩潰。 咁多年來我都未試過咁 以前就算點失意,傷心,只要一兩日就無事。 或者我個弱點就係情傷…… 我已經試左好多方法, 我以為好似以前咁,令自己負面d,適應左就冇事,但今次真係過唔到,愈諗就愈辛苦。 我又嘗試正面d,諗正面既事,專心做野,玩多d,搵人傾計,希望可以減少痛苦既感覺。但無奈只要靜落黎,我個心就愈來愈痛,一日比一日痛,或者我知道自己只係呃緊自己。 我有好努力去逼自己去接受,去正面咁睇。但都係冇用,我每日都好辛苦。我唔想去諗,但又好似有個人喺我耳邊不停同逼我諗,我趕唔到佢走。我知對付呢d問題最好放鬆,任由呢d感覺點諗。但唔知點解今次個效果都係愈來愈辛苦。 我諗過逼自己唔愛你,甚至討厭你。但原來都係逼唔到架。原來真真正正愛上一個人時係做唔出咁既事。 我以為比時間過,冷靜吓會得,至少唔惡化。但事實係一日比一日辛苦。 我唔想你知我坐邊,怕你多野諗,我仲叫知既人唔好同你講。 你話怕我,所以我避你,怕你唔舒服。我覺得我愛你就唔應該令你辛苦,呢d辛苦應該我承受。 但我好怕自己會頂唔住,我好想喊出來,但又喊唔出。呢幾日個心成日無啦啦就拿住拿住,連呼吸都好辛苦,有d moment我差d喺公司崩潰,我要走入廁所冷靜。 我唔明點解我地要攪到咁。我由專登撞你,變到逼自己避你。 我唔明解你要傷我。 我唔明點解你唔肯比多個機會大家。 我唔明點解愛一個人要咁辛苦。 我真係好辛苦,我真係就快崩潰。 已Grad" From 薄扶林大學 (HKU) #思念, #求意見, #愛情疑問 ================================= Free Membership ==> http://bit.ly/dryclubmember 請按"Like" -> 按"Get notifications" 緊貼 HKU Dry Club Updates 對抗Facebook進一步限制page reach

from HKU Dry Club http://ift.tt/1iXMdDK

via IFTTT