Love story #4937 [我的hehe hallmate 5] "A0 男 去北京第二件事, 就係酒店果度, 放心我冇俾條友爆菊花 只係呢, 我住係胡同嘅一間公寓入面嘅, 唔係四合院, 係一間好似酒店嘅嘢 咁有一日係三點半起身起睇升旗啦, 之後仲要行埋故宮, 有行過故宮嘅人都知由後門入慢慢行到太和殿係要成半日, 咁呢日我係攰到散晒, 佢都一樣咁散…但係佢行開山我冇所以我廢佢N多 所以果日我地番到胡同口吃燒烤, 之後就番去沖涼訓覺 咁係公寓度, 一向都係我沖先嘅, 所以我沖完之後求其抹完個頭就訓啦 臨真係入眠之前, 我feel 到有人篤我塊面, 我知道係佢但係完全冇意識想反抗, 好快就真係訓咗 咁小弟有認床習慣嘅, 所以出到去呢啲地方, 我係一晚醒三次, 通常一次兩點幾, 一次四點幾, 一次六點幾, 通常六點幾就起身出發架啦 第一次醒, 冇咩嘢, 佢係另一張床度訓緊 但係第二次醒, 我就覺得點解我訓到咁邊邊呢?之後平日我包到好似繭咁嘅被點解會打大開晒? 仲要背脊有熱源 唉, 我真係唔知講咩好, 做咩事佢要半夜起身爬上我張床度仲要搶埋我張被訓先 佢面向住我仲要有隻手放係我枕頭頂, 一隻手係床度, 似乎係有攬過我嘅跡象, 但係我一轉身就避開熱源-_- (別講笑, 夏天駛要暖氣?!) 之後我極度淡定咁落床, 去咗佢果張床度續眠, 我都估唔到我仲可以咁淡定, 應該係佢以前啲行為已經奇葩到我覺得佢今次好正常 第二朝佢醒果陣, 見到我係佢張床, 仲好迷迷糊糊咁問我點解會去咗佢張床度 呢個問號應該係我問佢先啱掛-_- 之後北京之旅就係咁怪雞地繼續-_-" From 清水灣大學 (HKUST) #LGBT/hehe ================================= Free Membership ==> http://bit.ly/dryclubmember 請按"Like" -> 按"Get notifications" 緊貼 HKU Dry Club Updates 對抗Facebook進一步限制page reach

from HKU Dry Club http://ift.tt/1iXMdDK

via IFTTT