《關於放榜，我想說的是...》#8 [盡力而為,無悔] "盡力而為,無悔 \u003C小學> 我係90年代尾既新移民,家庭經濟狀況算係差, 大約小五就成為左單親家庭,拎過綜緩, 我無讀過幼稚園,一開始就係讀小一,讀村校,成績一般般,到考試就會溫書, 小學都係嘻嘻哈哈,全級得一班,全校總共6班,平時返學都係想同同學打下波,玩下體育活動 最後果2年,間學校仲俾政府殺埋校,成間學校得1班20幾人 \u003C中學> 對於升中學,自知英文水平差,成績又一般般,心態就係只要5係最差果幾間就得, 最後派左去一間接近brand 3既學校,又好幸運入左精英班,其實學校就有好多所謂既壞學生, 不過我都5理,平時就做齊功課,返屋企就打機,考試就溫書,成績就全級頭40名左右,但其實都係死背書, 到左中三就開始返工,份工係幾辛苦,搬搬抬抬,洗碗洗工具,之後就開始覺得要努力讀書, 中四就開始發奮,苦讀大約2年,放學就去圖書館,放假就去自修室,日以繼夜,夜以繼日, 當年係最後一屆CE, ,分數剛剛夠原校升讀,當年我間學校200人得10幾個夠14分以上 中六中七,我都好似CE咁,日日溫書,未停過,分3段時間,早午晚, 由早上8點溫到自修室關門(10點),再去M記溫到12點 最後成績一般般, 由於係最後一屆AL,所以覺得好難重讀,所以就讀HD \u003CHD> 我選左一份我比較有興趣既科目,但間院校係無咩人識 之後我都5知點解我仲有團火,其實都只係想盡力而為,就算讀海外大學都OK,又或者工作 因為我果科比較特別,同學比較熱情外向,所以都感染左我5少,令我都多參加好多活動 其實我讀完中七就已經一直keep住做PT,所以我之後都搵左一份同我果科有關既工作 HD生活就係做功課,返工,做義工,參加活動,十分充實,每個月既時間表都係爆哂 當然,我亦好多謝我既老師,同學,朋友,家人既支持,佢地成日教我野 讀完2年HD,我最後非常幸運地收到CU UGC既offer, 9月份就會入讀CU 其實我覺得好多野都仲可以靠自己改變,只要你肯付出,肯作出改變 身邊有好多人其實都付出左好多努力,但最後無預期中既收獲 成功其實係自己定義,我並5認為入CU就係成功,我只係認為自己盡左力,所以覺得自己成功 我想鼓勵所有人,盡力去做你心目中想做好既事,無悔無恨 加油!! 最後好多謝呢個平台俾機會我分享我既故事 ^__^" From 就快讀大學 (Almost there) #勵志 ================================= Free Membership ==> http://bit.ly/dryclubmember 請按"Like" -> 按"Get notifications" 緊貼 HKU Dry Club Updates 對抗Facebook進一步限制page reach

from HKU Dry Club http://ift.tt/1iXMdDK

via IFTTT