《關於放榜，我想說的是...》#29 [冇書讀咪冇書讀，賴地硬先係輸家] "每年到放榜，都有好多數據公佈，最感興趣的梗係狀元數目。同時都好多人關注學獲最低入學標準嘅人數。今年就有超過2.8萬人考到33222，但聯招學位依舊得萬幾個。亦即係話有萬幾條「可憐虫」。有人會歸咎JUPAS學額不足，覺得考到33222都冇大學讀好似畀人呃。坦白講，如果啲人真係天真到相信攞住33222入到大學，佢就唔應該讀大學。所謂最低標準，根本唔適用於一般學生，而專係畀有特異功能嘅學生，例如係港隊、或有校長推薦。 你打電腦遊戲，如果你部電腦只有最低標準配置，其實係會lag到你唔想玩，MINIMUM REQUIREMENTS 姐係等如你有手有腳就可以去賽跑，但就算四肢健全，你都唔會覺得自己可以跑奧運。 而家大把大學生出黎搵工，人工同冇讀大學都差唔多，「大學生」呢個名已經不斷貶值。如果大家讀大學只係為錢，可以睇下台灣，周地都大學生，大學畢業都係做基層工作，又有咩意思，同冇讀大學有咩分別？不如慳番啲學費啦 社會總要有人做基層工作，一心想靠學位搵食嘅，不難發現畢業後高不成低不就，所以讀大學、或者學位增加未必係件好事。 最簡單嘅供需已經話畀我地知學位供應多左，學位嘅價值就會趺，所以而家嘅大學生同三十年前嘅精英根本冇得比，學位愈多，學位愈賤。如果全港有七萬個GOBAL BUSINESS學額，人人都會飛黃騰達。好似係。 以下嘅說話可能有啲HARSH，但我聽完都覺得有啲道理。 1. 唔好覺得自己考到33222就係讀書材料，只係比考唔到嘅人冇咁遠離「讀書」 2. 盡量摒棄「一定要讀書」嘅諗法，因為就算畀你讀到副學士，駁唔到學士課程，同白畀兩年學費幾乎冇分別，又嘥錢又嘥時間。 3. 好多時候所謂「繼續升學」，只係未諗到想做咩，但又唔想畀人話虛度光陰。 最後一句，我唔想講李嘉誠都冇讀大學呢啲老土野，但我讀左一年大學，發現讀大學真係唔係萬般好。人生係不斷做決定嘅過程，有極多uncertainty, 如果真係冇書讀，姐係幫你opt out 一個可能性，或者真係一個機會畀大家思索下自己想行嘅路" From 薄扶林大學 (HKU) #求意見, #勵志 ================================= Free Membership ==> http://bit.ly/dryclubmember 請按"Like" -> 按"Get notifications" 緊貼 HKU Dry Club Updates 對抗Facebook進一步限制page reach

from HKU Dry Club http://ift.tt/1iXMdDK

via IFTTT