《關於放榜，我想說的是...》#22 [Nursing = 水泡科?] "我係一個Yr3護士學生 讀左3年 有d感受想講下 當初我揀呢科係想幫人得黎又收入穩定 肯捱肯學 做個白衣天使都幾好 我AL其實考得ok 應該都係上游位置入到呢個A1 nursing收生好多 一屆就百幾二百個 基本上唔會識晒所有同學 但因為出ward同做group project既原因 都會識到大約4分1 有同學係因為擺呢科係A3當水泡就碌左入黎 之後就係佢地惡夢既開始 平時上堂呀考試呀呢d就算啦 都係背背背 重點係要出ward 去真實既醫院做野 天都未光就要起身 遲到少少都gg 仲要輪班 見大小二便痰唔在講 仲要幫人洗patpat 執床 洗d又爛又臭既傷口 都算 返到屋企又要查書背藥 準備俾tutor抽書 表現唔好 除左tutor會鬧 有d姑娘都會大大聲串你 有同學就試過俾病房姑娘話 "一個二個企晒係度阻住地球轉" 甚至連d呀姐都會點你做呢樣做果樣 呢千四個鐘既實習 係冇人工冇subsidy的 護士學生 真係好卑微 如果你冇呢個心理準備 自問唔捱得 對呢行冇咩熱誠 見到d呀婆呀伯就覺得煩 又唔受得氣 求下你 真係唔好揀呢科 病人都係人 你估佢想你幫佢抹patpat? 病人都有尊嚴 你有冇心去尊重佢地? 做呢行唔好諗咩gel甲 諗下一日洗幾廿次手 洗到鞋晒 你接唔接受得到? 唔好為份人工 為個學位 而make a wrong choice" From 薄扶林大學 (HKU) ================================= Free Membership ==> http://bit.ly/dryclubmember 請按"Like" -> 按"Get notifications" 緊貼 HKU Dry Club Updates 對抗Facebook進一步限制page reach

from HKU Dry Club http://ift.tt/1iXMdDK

via IFTTT