幫個小三仔仔補補下習，佢問我： 「姐姐你今晚去唔去維園呀？」 我話去，一定去，年年都去。 細個既時候唔知六四係咩，只係知有張相好似電影畫面咁， 有一個男人手無寸鐵咁企喺坦克車前面。 到左一個懂事既年紀，家人開始同我講六四。 講當年佢地親眼見到既每一個真相。 自此，每年既六四晚會我都會去。 近幾年開始有評論話晚會變左質， 淪為政治工具，亦淪為普羅大眾為打卡影相而去既一場Show。 又有人話，社會仲有好多比六四更為迫切既問題需要解決， 何況點嗌平反就算火燒維園阿爺都唔會理你， 香港人點解得六四先走出黎、先咁團結？ 因為我地仲有良知。 有好多事，我地都覺得唔做唔等於唔重視， 但唔講、唔做，遲啲可能連講同做既權利都被褫奪。 4/6/1989，Never Forget，Never Forgive。 大姨媽

via HKU Dry Club http://ift.tt/1iVrMEV